រោគសញ្ញា នៃជម្ងឺសរសៃឈាមខួរក្បាល

       ខួរក្បាលមួយផ្នែកៗមានមុខងាររបស់វា ប្រសិនបើខួរក្បាលផ្នែកណាក៏ដោយ

ខ្វះឈាមទៅផ្គត់ផ្គង់ ដោយសារការស្ទះសរសៃឈាម ឬមានឈាមកកក្នុងខួរក្បាល​ ​
ហើយ​បង្ក​ឳ្យ​ខួរ​ក្បា​ល​ផ្នែក​នោះ​ឈប់ដំណើរការបាន ធ្វើ​អោ​យ​មា​ន​រោគសញ្ញា​តាមផ្នែក​នៃខួរក្បាលដែលមានបញ្ហា ។ ខួរក្បាលមានផ្នែកផ្សេងៗដែលសំខាន់ ដូចតទៅនេះ​ ៖

 

          ១. ខួរក្បាលធំ (cerebrum) នៅខាងលើបំផុតហើយមានទំហំធំបំផុត ចែក
ចេញជា ៥ ផ្នែក 

        ១.១ ខួរក្បាលធំផ្នែកខាងមុខ (Frontal lobe) មានតួនាទី បញ្ជារអោយរាងកាយ

ធ្វើចលនា  ។ ដោយខួរក្បាលខាងស្តាំបញ្ជារអោយរាងកាយផ្នែកខាងឆ្វេងធ្វើចលនា ហើយខួរក្បាលខាងឆ្វេង​បញ្ជារអោយរាងកាយផ្នែក ខាងស្តាំធ្វើចលនា ។ ប្រសិនបើ

ខួរក្បាលផ្នែកនេះ ឬសរសៃប្រសាទ ដែលបញ្ជារទៅរាងកាយខូចខាត ឬឈប់ធ្វើការ ។ អ្នកជម្ងឺនឹងមានអាការៈខ្សោយកំលាំង​នៃដងខ្លួនម្ខាងទៀត រួមទាំងផ្ទៃមុខផ្នែកម្ខាងទៀត

វៀចផងដែរ ។ ប្រសិនបើមានអាការៈខ្លាំង កំរើកមិនបាន ដែលហៅថា ស្លាប់មួយ

ជំហៀងខ្លួន ។ ប្រសិនបើកំរើកបាន ឬលើកដៃជើងបានហៅថា ពិការ ។ ក្រៅពីនេះ មានផ្នែកដែលបញ្ជារអោយនិយាយ (Broca area)  នៅខាងក្រោមនៃខួរក្បាល

មុខផ្នែកខាងឆ្វេង (ជាខួរក្បាលខាងដែលច្បាស់ហើយចំពោះមនុស្សច្រើន
តែនៅខាងឆ្វេង) ។ ប្រសិនបើខួរក្បាលផ្នែកនេះខូចទៅ​ អ្នកជម្ងឺនិយាយមិនបាន​
ឬបើមិនខ្លាំង អ្នកជម្ងឺអាចនិយាយបានខ្លះ ហើយនិយាយតជាប្រយោគមិនបាន​ ។

       ១.២ ខួរក្បាលធំចំហៀង (parietal lobe) មានមុខងារ ទទួលដឹង ការឈឺចាប់
ក្តៅ ត្រជាក់ ពីរាងកាយម្ខាងទៀត  ប្រសិនបើមានការខុសប្រក្រតី រាងកាយនឹងស្ពឹក

ផ្នែកផ្ទុយគ្នា នៃខួរក្បាលដែលមានបញ្ហា  ។

        ១.៣ ក្លែបសៀតផ្កានៃខួរក្បាល (Temporal lobe) មានមុខងារសំខាន់ចំពោះការចងចាំតែមានផ្នែកដែលសំខាន់មានមុខងារក្នុងការប្រែ

សំឡេងដែលបានលឺ ចេញជាភាសា ហើយនៅខួរក្បាលផ្នែកច្បាស់ (នៅខាងឆ្វេង) ប្រសិនបើខួរក្បាលខាងនេះមានបញ្ហាទៅ អ្នកជម្ងឺ មិនយល់ន័យសំឡេងដែលបានលឺ ទោះបីជាភាសាថៃដែលចេះរូចហើយក៏ដោយ។

          ខួរក្បាលយើង 

.       ខ្សោយកំលាំងមួយចំហៀងខ្លួន

.       ស្ពឹកមួយចំហៀងខ្លួន

.       វង្វេងវង្វាន់

.       ដើរបុក បើកឡានបុក ភ្នែកមើលមិនឃើញ

.       វិលមុខ​ ក្រឡាប់ចាក់ ក្អូត ដើរមិនត្រង់ និយាយមិនច្បាស់

.       រោគសញ្ញានៃ cerebrum ស្រវាំង ខ្សោយកំលាំងដៃជើង ស្ពឹកមុខនិងដៃជើងម្ខាងទៀត

.​​       វង្វេងវង្វាន់ សួរផ្សេង ឆ្លើយផ្សេង

.       និយាយមិនកើត នឹករកពាក្យមិនឃើញ 

១.៤ ខួរធំផ្នែកខាងក្រោយ (Occipital lobe) មានមុខងារសំខាន់គឺ ទទួលយករូបភាព

ដែលភ្នែកបញ្ជួនមក ។ ប្រសិនបើខួរក្បាល ផ្នែកនេះមានបញ្ហា អ្នកជម្ងឺ​នឹងមើល

មិនឃើញភ្នែកម្ខាង ប្រសិនបើសាកល្បងដោយការបិទភ្នែក ពេលដែលបើកភ្នែក

ព្រមគ្នាទាំងពីរខាង អ្នកជម្ងឺនឹងមើលមិនឃើញម្ខាងផ្ទុយនឹងខួរក្បាលដែលមានបញ្ហា ។

១.៥ ខួរធំផ្នែកខាងក្នុង (Insular lobe) មានមុខងារគ្រប់គ្រង ប្រសាទស្វយ័ត មិនសំខាន់

ចំពោះជម្ងឺសរសៃឈាមខួរក្បាល 

          ២. អាទែរខួរក្បាល  (Brain Stem) ជាផ្នែកនៃខួរក្បាល ដែលភ្នាសប្រសាទ ពីខួរក្បាលចុះមកឆ្អឹងកងខ្នង ហើយពីឆ្ងឹងកងខ្នងទៅខួរក្បាល ហើយគ្រប់គ្រងមុខងារ

នៃសរសៃប្រសាទចំនួន ១២ គូ ។ ក្រៅពីនេះ មានមុខងារជំនួយការលំនឹងខ្លួនជាមួយ

ខួរតូច ប្រសិនបើមានការខុសប្រក្រតី មានការខ្សោយកំលាំងដៃជើង ស្ពឹក មើលឃើញ

រូបភាពព្រិលៗ និយាយមិនច្បាស់ ដើរមិនត្រង់ ពិសាហើយស្លាក់ វិលមុខក្រឡាប់ចាក់ បើមានអាការៈខ្លាំងសន្លប់បាត់បង់ស្មារតី ។ 

        ៣.​ខួរតូច (Cerebellum) ផ្នែកនៃខួរក្បាលដែលស្ថិតនៅខាងក្រោយក្បាល មាននាទីសម្របសម្រូលផ្នែកផ្សេងៗនៃខួរក្បាលឳ្យមានមុខងាររួមគ្នា ជាពិសេស

ផ្នែកដែលធ្វើចលនា ប្រសិនបើខួរក្បាលផ្នែកនេះមិនដំណើរការ បណ្តាលឳ្យមានការ

វិលមុខក្រឡាប់ចាក់ ដើរមិនត្រង់ ទប់ខ្លួនមិនបាន និយាយមិនច្បាស់ ប៉ុន្តែមិនមាន

អាការៈខ្សោយកំលាំង ។

        អ្នកជម្ងឺមានរោគសញ្ញាតែមួយឬច្រើនយ៉ាង រោគសញ្ញាលាយគ្នាក៏មាន ដូចជា

អ្នកខ្លះ​មាន​រោគ​សញ្ញា​ខ្សោយកំលាំងតែម្យ៉ាង ស្ពឹកមួយចំហៀងខ្លួនតែម្យ៉ាង អ្នកខ្លះ

​មាន​អាការៈ​ខ្សោយ​កំលាំង​ពាក់កណ្តាលខ្លួន ព្រមទាំងនិយាយមិនច្បាស់ ទទួលទាន

អាហារហើយអួល និងដើរទ្រេតទ្រោត ។​

        អ្នកជម្ងឺដែលមានអាការៈខ្លាំងតែងតែបណ្តាលមកពីសរសៃឈាមខ្នាតធំស្ទះ ឬមានចេញនៅខួរក្បាលធំ (ធំជាងគ្រាប់ប៉េងប៉ង) អ្នកជម្ងឺដែលមានឈាមចេញ

តាមផ្ទៃខួរក្បាល ច្រើនតែមានអាការៈឈឺក្បាលខ្លាំង ដោយមិនមានអាការៈ

ខ្យោយកំលាំងក៏មាន ហើយមិនមានរោគ សញ្ញាអ្វីមកប្រាបជាមុននោះទេ ។ 

        អ្វីដែលសំខាន់គឺ អ្នកជម្ងឺគ្រប់គ្នាតែងមានរោគសញ្ញាកើតឡើងភ្លាមៗទាំងអស់ ។

                    Face                                       Arm                       Speech                    

       វៀចមុខ ឬវៀចមាត់              ដៃមិនមានកំលាំង        និយាយមិនច្បាស់     

                                                                 Time   

                                              ទៅមន្ទីរពេទ្យភ្លាមៗ 

       

រោគសញ្ញាសំខាន់

នៃជម្ងឺសរសៃឈាមខួរក្បាល

       

        ដូចដែលបានពោលមកហើយ រោគសញ្ញានៃជម្ងឺសរសៃឈាមខួរក្បាល​មាន

ច្រើនយ៉ាង ពិបាកក្នុងការកត់ចំណាំ សូមអោយសំគាល់អាការៈដែលសំខាន់ បីយ៉ាង គឺ

        ១. វៀចមុខ ឬវៀចមាត់ ( Face)

        ២. ខ្សោយដៃ​ (Arm)

        ៣. និយាយមិនច្បាស់ និយាយស្តីមិនដឹងខុសត្រូវ ឬនិយាយមិនចេញ (Speech)

                   →     រោគសញ្ញាទាំងនេះកើងឡើងភ្លាមៗ  ។

         →     កាលណាមានរោគសញ្ញាណាមួយហើយ ឬរោគសញ្ញាច្រើនរួមគ្នានៅមនុស្ស

            ​ តែមួយត្រូវប្រញាប់ទៅមន្ទីរពេទ្យជាបន្ទាន់ (Time)

         → នាំព្យញ្ជនៈដំបូងនៃពាក្យភាសាអង់គ្លេសមករៀងគ្នា បានជាពាក្យមួយដែលចាំ

            ស្រូល គឺ  FAST 

F​ A S T

សូមអរគុណប្រភពមន្ទីរពេទ្យផ្យាថៃ ២

 

សរសៃឈាមខួរក្បាល

សរសៃឈាមខួរក្បាល

       សរសៃឈាមក្រហមសម្រាប់ផ្គត់ផ្គង់ឈាមនៅខួរក្បាល ដែលជាផ្នែកមួយនៃ

សរសៃឈាមធំចេញពីបេះដូង ហើយសរសៃឈាមក្រហមដែលផ្តល់ឈាម ទៅផ្គត់ផ្គង់

ឈាមខួរក្បាលមាន ២ គូ

        ១. សរសៃឈាមក្រហមផ្គត់ផ្គង់ឈាមនៅខួរក្បាលខាងមុខ ( Carotid artery) នៅកខាងមុខ ជាចំណុចប្រសព្វឈាមមកពីបេះដូងទៅដល់ខួរក្បាល  ដោយ  ៨០ % នៃឈាមដែលទៅផ្គត់ផ្គង់នៅខួរក្បាលតាមសរសៃឈាមនេះ ។ នៅពេលដែលចូលទៅ

ដល់ លលាដ៍ខួរក្បាល ចែកចេញជា ២ គឺ

        -  សរសៃឈាមខួរក្បាលខាងមុខ មានមុខងារផ្គត់ផ្គងឈាមខួរក្បាលខាងមុខ

        -​ សរសៃឈាមខួរក្បាលចំកណ្តាល (Middle cerebral artery) ផ្គត់ផ្គង់ឈាមនៅ 

ចំហៀងនៃខួរក្បាល  និងក្លែបសៀតផ្កានៃខួរក្បាល ។

 

        ២. សរសៃឈាមក្រហមផ្គត់ផ្គង់ខួរក្បាលខាងក្រោយ (Vertebral artery ) នៅពី

ក្រោយក តាមឆ្អឹងក នៅពេលដែលចូលទៅក្នុងលលាដ៍ក្បាល សរសៃឈាមឆ្វេង និង

ស្តាំ និងរួមជាអាទែនៅបាតខួរក្បាល (basilar artery) ដោយ ២០ % នៃឈាមដែលទៅ

ចិញ្ចឹមខួរក្បាលតែងឆ្លងកាត់​សរសៃឈាមគួរនេះ សរសៃឈាមបាតលលាដ៍ក្បាលខាង

ចុង បែកជាសរសៃឈាមខួរក្បាលខាងក្រោយ (posterior cerebral artery) ស្តាំនិងឆ្វេង ដែលទៅចិញ្ចឹមខួរក្បាលធំខាងក្រោយ និងផ្នែកខាងក្រោមនៃខួរក្បាល ។

 

ហេតុអ្វី អ្នកខ្លះកើតជម្ងឺសរសៃឈាមខួរក្បាល

(កត្តាហានិភ័យ នៃជម្ងឺសរសៃឈាមខួរក្បាល)

      

       មានមនុស្សមួយចំនួនកើតរោគសរសៃឈាមខួរក្បាល តាមស្ថិតិឃើញថា
ប្រជាជន ៤០០ នាក់ ក្នុងកំឡុងពេល ១ ឆ្នាំ កើតរោគសរសៃឈាមខួរក្បាល ១
នាក់ ។ អាចនិយាយបានថា ក្នុងភូមិមួយដែលអ្នករស់នៅ មានមនុស្សចំនួន        
៤០០ នាក់ ក្នុង ១ ឆ្នាំ​ មានមនុស្សម្នាក់ កើតជម្ងឺសរសៃឈាមខួរក្បាល ។ មនុស្សដែលកើតជម្ងឺនេះត្រូវមានកត្តាហានិភ័យ ឳកាសដែលមិនមានកត្តា 

ហានិភ័យនោះ តិចតូចណាស់ ។

កត្តាហានិភ័យដែលសំខាន់ មានដូចជា ៖ 

            ១. វ័យចំណាស់ អាយុកាន់តែច្រើន ឳកាសកើតជម្ងឺនេះ កាន់តែខ្ពស់ ជម្ងឺនេះ

ជួបប្រទះចំពោះកុមារ​ (ជូបប្រទះតិចតូចបំផុត) ចាប់ផ្តើមជួបប្រទះជាក់ស្តែងតាំងតែ

ពីអាយុប្រហែល ៤៥ ឆ្នាំ​ឡើងទៅ ។ 

        ២.​ សម្ពាធឈាមខ្ពស់ សម្ពាធឈាមលើសពី ១៣០/៨៥ មម បារ៉ត បង្កឱ្យមាន

ហានិភ័យ ។ សម្ពាធឈាមកាន់តែខ្ពស់ ឳកាសកើតជម្ងឺសរសៃឈាមខួរក្បាលកាន់

តែច្រើន ។ 

        ៣.​ ស្កក្នុងឈាមខ្ពស់ អ្នកដែលមានជម្ងឺទឹកនោមផ្អែមយូរ ហើយគ្រប់គ្រងកំរិត

ជាតិស្កមិនល្អ ឳកាសកើតជម្ងឺនេះក៏មានខ្ពស់ កំរិតជាតិស្កមិនគួរលើស ១២៦ មក/ឌល

       ៤. ការជក់បារី  ឃើញថាអ្នកដែលជក់បារីមានឳកាសកើតជម្ងឺនេះខ្ពស់ជាង

អ្នកដែលមិនជក់បារី ៣ ដង ហើយឳកាសដែលកើតជម្ងឺនេះវាអាស្រ័យលើចំនួនបារី

ដែលជក់ និងរយៈវេលាដែលជក់ផងដែរ ។ 

            ៥. បេះដូងលោតមិនប្រក្រតី បេះដូងថតឆ្វេងខាងលើកន្ត្រាក់លឿនពេក

 ( Atrial fibrillation) អ្នកដែលមានភាវៈនេះព្រមទាំងអាយុច្រើនជាង ៧៥ ឆ្នាំ កើត

ជម្ងឺទឹកនោមផ្អែម មានបេះដូងមិនដំណើរការ សម្ពាធឈាមខ្ពស់ ហើយ/ ឬ ធ្លាប់កើត

ជម្ងឺសរសៃឈាមខួរក្បាលពីមុន​ នឹងមានឳកាសកើតជម្ងឺសរសៃឈាមខួរក្បាលសារ

ជាថ្មី បើមានកត្តាទាំងនេះកាន់តែច្រើន ហានិភ័យក៏កាន់តែមានច្រើនដែរ ។ 

        ៦. កើតជម្ងឺស្ទះសរសៃឈាមបេះដូង ឬ ស្ទះសរសៃឈាមចុងជើង ។

                         កត្តាហានិភ័យបន្ទាប់បន្សំ

          (កត្តាដែលមានឥទ្ធិពលតែមិនច្រើន)  ដូចជា ៖ 

            ១. ខ្លាញ់ក្នុងឈាមខ្ពស់ ជាកត្តាហានិភ័យចំបងនៃជម្ងឺសរសៃឈាមបេះដូង​ តែជាកត្តាបន្ទាប់បន្សំសម្រាប់ជម្ងឺសរសៃឈាមខួរក្បាល ឬ​អាចនិយាយបានថា មនុស្សដែលមានខ្លាញ់ក្នុងឈាមខ្ពស់ (កូឡេសស្តេរ៉ូល ច្រើនជាង ២០០ មក/ឌល) មានឳកាសកើតជម្ងឺស្ទះសរសៃឈាមបេះដូង ច្រើនជាងជម្ងឺស្ទះសរសៃឈាមខួរក្បាល ។

      ២. ខ្វះការហាត់ប្រាណ

        ៣. លើសទម្ងន់

        ៤. ទទួលទានថ្នាំពន្យាកំណើត

        ៥. ស្ត្រេស

           ៦.​ កត្តាផ្សេងៗ ដូចជា ការដេកស្រម៉ុក ភាវៈឈាមខាប់ ធ្លាប់មានសមាជិកក្នុង​

ក្រុមគ្រូសារមានជម្ងឺសរសៃឈាមខួរក្បាល ភាវៈហូម៉ូស៊ីស្តេអ៊ីនខ្ពស់ ។

សូមអរគុណប្រភពមន្ទីរពេទ្យផ្យាថៃ ២

ការវិនិច្ឆ័យ ជំងឺសរសៃឈាមខួរក្បាល

ការវិនិច្ឆ័យ ជម្ងឺសរសៃឈាមខួរក្បាល

វេជ្ជបណ្ឌិតធ្វើការវិនិច្ឆ័យជម្ងឺនេះតាម ៖ 

        ១. ប្រវត្តិរោគសញ្ញាខាងខួរក្បាលដែលកើតឡើងភ្លាម ៗ

        ២. ការត្រួតពិនិត្យរាងកាយរកភាពខុសប្រក្រតីនៃប្រព័ន្ធប្រសាទ ឬអត់ ។

        ៣.​ ការវិនិច្ឆ័យដោយការឆ្លុះខួរក្បាល ។ 

ការថតឆ្លុះខួរក្បាលដើម្បីវិនិច្ឆ័យជម្ងឺសរសៃឈាមខួរក្បាលនៅបច្ចុប្បន្ននិយមប្រើមាន

២ វិធី ៖

        ១. ការថតឆ្លុះខួរក្បាលដោយកុំព្យូទ័រ ឬ ស៊ីធី ស្កេន ( Computerized tomography scan ឬ CT scan ) ជាវិធីចាស់ ត្រូវបាញ់កាំរស្មី អោយកុំព្យូទ័រគណនាផលជារូបភាព

ខួរក្បាល ដែលកាត់ជាផែនដើម្បីអោយវេជ្ជបណ្ឌិតវិនិច្ឆ័យ ។ មានចំនុចល្អ គឺ ធ្វើរហ័ស ប្រហោងដែលដាក់ក្បាលអ្នកជម្ងឺចូលមានទំហំធំ ហើយជ្រៅ ។  ម៉ាស៊ីននេះមានប្រើ

ទូទៅ និងតម្លៃថោកសមរម្យ ។ ប៉ុន្តែមានចំនុចមិនល្អគឺ រូបភាពមិនច្បាស់ មិនឃើញរូបភាពខួរក្បាលដែលខ្វះឈាមទៅផ្គត់ផ្គង់ នៅពេល ៣ ម៉ោងដំបូង ។​

២. ការថតឆ្លុះរូបភាពខួរក្បាលដោយកំព្យូរទ័រដោយប្រើម៉ាញេទិក ឬ អេម រៃ ( Magnetic Resonance imaging ឬ​ MRI ) ជាឧបករណ៍វេជ្ជសាស្ត្រសម័យថ្មី ធ្វើការយឺតប៉ុន្តែ

បានរូបភាពច្បាស់ជាង ឃើញបរិវេណខួរក្បាលដែលខ្វះឈាម ទៅផ្គត់ផ្គង់បាន

តាំងតែរយៈពេលដំបូង ។ ប៉ុន្តែត្រូវអាស្រ័យការសហការនៃអ្នកជម្ងឺ ដោយដេកស្ងៀមៗ ប្រហោងដែលដាក់ក្បាលចូលទៅមានទំហំតូច និងមានសំលេងខ្លាំង មានតម្លៃខ្ពស់ ហើយឧបករណ៍នេះមានមិនច្រើន ។ ជាទូទៅ ឧបករណ៍ទាំងពីរបែបនេះ ឆ្លុះតែខួរក្បាល ប្រសិនបើត្រូវការឆ្លុះមើលសរសៃឈាមខួរក្បាល ត្រូវមានវេជ្ជបញ្ជាបន្ថែម ។

ដោយបែបដែលប្រើកាំរស្មីអ៊ិច ត្រូវចាក់ថ្នាំពណ៌និងធ្វើបានចំពោះឧបករណ៍

ដែលថ្មីទាន់សម័យ ទទួលរូបភាពច្រើនរូបក្នុងការបាញ់ពណ៌ម្តង ដូចជា ការថតឆ្លុះ

ដោយកំព្យូទ័រ ៦៤ ១២៨ ឬ ២៥៦ ស្លៃដ៍ ហើយហៅការថតឆ្លុះនេះថា ការឆ្លុះ

សរសៃឈាមដោយការថតឆ្លុះដោយកំព្យូទ័រ​ ( Computerizd tomography angiography scan ឬ CTA scan ) ។ ចំពោះឧបករណ៍ម៉ាញ៉េទិក អាចធ្វើបានដោយមិនចំបាច់ចាក់

ថ្នាំពណ៌ ហៅការថតឆ្លុះនេះថា ការឆ្លុះសរសៃឈាមខួរក្បាលដោយម៉ាញេទិក
( Magnetic resonance angiography ឬ  MRA) ។ 

 សូមអរគុណប្រភពមន្ទីរពេទ្យផ្យថៃ ២

ការព្យាបាលជម្ងឺសរសៃឈាមខួរក្បាល

ការព្យាបាលជម្ងឺសរសៃឈាមខួរក្បាល

ការព្យាបាលជម្ងឺសរសៃឈាមខួរក្បាល មានការព្យាបាលផ្សេង ៗ គ្នា វាអាស្រ័យទៅលើប្រភេទនៃជម្ងឺនេះ ប៉ុន្តែមានការថែទាំប្រហាក់ប្រហែលគ្នា 

ដូចតទៅ ៖

        ១. ការមើលថែ ផ្នែកការព្យាបាលដើម្បីការពារជម្ងឺជ្រៀតជ្រែក ។

        ២. ការមើលថែ​ ផ្នែកអាហារ ទឹក និងអំបិលរ៉ែ ។

        ៣. ការធ្វើកាយសម្បទា ការធ្វើចលនាបំបាត់
            និងហ្វឹកការនិយាយចំពោះអ្នកដែលមានបញ្ហាការនិយាយ ។

        ៤. ការមើលថែ ផ្លូវចិត្ត

        ៥. ការផ្តល់ចំណេះដឹងដល់អ្នកជម្ងឺនិងញាតិ

        ៦. ការដាក់ផែនការការចេញទៅផ្ទះ ។ 

ការព្យាបាលជម្ងឺសរសៃឈាមខួរក្បាលដែលខ្វះឈាម ពីការស្ទះសរសៃឈាមឬពីសម្ពាធឈាមទាប​ (AIS)

        ១. ការព្យាបាលដោយថ្នាំ ។

        ២.​ ការព្យាបាលដោយការវះកាត់ ។

ការព្យាបាលអ្នកមានជម្ងឺដុំឈាមកកនៅក្នុខួរក្បាល(​ICH) និងឈាមចេញតាមថង់ ឬបន្ទប់ខួរក្បាល (IVH)

        ១. ការការពារមិនអោយចេញឈាមបន្ថែម ។

        ២. ការព្យាបាលដោយថ្នាំ ។

        ៣. ការព្យាបាលដោយការវះកាត់ 

ការព្យាបាលអ្នកកើតជម្ងឺហូរឈាមក្នុងស្រោមខួរក្បាល (SAH)

        ១. ការរកចំនុចដែលចេញឈាម ។

        ២. ការការពារ​មិនអោយចេញឈាមថែម ។​

        ៣. ការព្យាបាលដោ​យថ្នាំ​ដើម្បីការពារសរសៃឈាមស្វិត ។

        ៤. ការព្យាបាលដោយការវះកាត់ ។

        ៥. ការព្យាបាលដោយដាក់ទុយោចូលសរសៃឈាម ។

សូមអរគុណប្រភពមន្ទីរពេទ្យផ្យាថៃ ២