វិធីបង្ការការកើតដំបៅ

តើអាចបង្ការការកើតដំបៅបានដោយរបៀបណា ?

        ការមើលថែទាំជើងដែលល្អអាចបង្ការការកើតដំបៅ និងការកាត់ប្រអប់ជើងបាន

៤៥ - ៨៥ ភាគរយ អ្នកជំងឺដែលមានបញ្ហាសរសៃប្រសាទខូច ឬខ្វះឈាមទៅផ្គត់ផ្គង់

គួរអនុវត្តតាមដំបូន្មានដូចខាងក្រោម ៖ 

គួរធ្វើ

•      ពិនិត្យប្រអប់ជើងរាល់ថ្ងៃ ពិនិត្យស្នាមផ្សេងៗ ស្នាមដាច់រលាត់ ពងបែក ស្នាមជាំ ឬមានពណ៌ផ្លាស់ប្តូរ អាការៈហើម និងរបួស ប្រសិនបើមានត្រូវប្រាប់ពេទ្យអ្នកព្យាបាល

ឱ្យបានដឹងភ្លាមៗ អាចប្រើកញ្ចក់ឆ្លុះមើលបាតជើង ឬប្រសិនបើមិនស្រួលគួរឱ្យអ្នកដទៃ

ជួយឆ្លុះមើល ។

•      លាងសំអាតប្រអប់ជើងដោយសាប៊ូនឹងទឹករាល់ថ្ងៃ ជាពិសេសត្រង់បរិវេណចន្លោះ

ម្រាមជើង បន្ទាប់ពីនោះជួត ឬផ្លុំឱ្យស្ងួតយ៉ាងប្រុងប្រយ័ត្ន ប្រើខ្លាញ់ឬឡេលាបស្បែក

ត្រង់បរិវេណប្រអប់ ជើងឱ្យស្បែកមានសំណើម ជៀសវាងត្រង់ចន្លោះម្រាមជើង ។

•      ត្រួតពិនិត្យខាងក្នុងស្បែកជើងមុនពាក់រាល់លើក ដើម្បីពិនិត្យមើលវត្ថុផ្សេងៗ ជាពិសេសដុំថ្ម របស់មានមុខស្រួច ឬសង្កេតថាវត្ថុអ្វីមកចាក់ដោតស្បែកជើងឬអត់នោះ ។

•      ជ្រើសរើសទិញស្បែកជើងថ្មីនៅពេលរសៀល ដើម្បីឱ្យជើងមានរីកបានពេញទំហឹង និងអាច ជ្រើសរើសស្បែកជើងបានត្រូវតាមជើង ។

•      គួរប្រើស្រោមជើងដើម្បីការពារការកកិត របួស ដោយស្រោមជើងមិនគួរណែនពេក និងមិនមានប្រហោង ។

•      ត្រួតពិនិត្យជើងដោយក្រុមថែទាំសុខភាពជើងជាបណ្តើរៗ ។

•      កាត់ក្រចកជើងត្រង់បណ្តោយ និងដុសក្រចកមិនឱ្យក្រចកស្រួច ។

•      បើមានដំបៅ គួរសំអាតនិងបិទដំបៅដោយវត្ថុដែលអាចសំលាប់មេរោគបាន ។

•      ប្រុងប្រយ័ត្នដោយពាក់ស្បែកជើងរាល់លើក មិនថានៅក្នុងផ្ទះ ឬនៅក្រៅផ្ទះនោះទេ ដើម្បីជៀសវាងគ្រោះថ្នាក់ផ្សេងៗដែលអាចកើតចំពោះជើងបាន ។ 

គួរចង់ចាំជានិច្ចថា ទោះបីជាមិនមានអារម្មណ៍ថាឈឺនៅនឹងជើងក៏ដោយបញ្ហា

នៅប្រអប់ជើងក៏អាចជាបញ្ហាដែលអាចរាលដាល

ជាបញ្ហាដ៏ធ្ងន់ធ្ងរបាន ។ 

គួរជៀសវាង

•      គួរជៀសវាងស្បែកជើងដែលមានចុងស្រួច កែងខ្ពស់ឬប្រហោងបើកគ្មានខ្សែចង  

        ឬមិនមានបិទកែងជើងខាងក្រោយ ។

•      មិនគួរប្រើស្រោមជើងដែលណែនហួសពេក ។

•      ហាមប្រើប្រអប់ដាក់ទឹកក្តៅ ឬឧបករណ៍ស្អំឬផ្លុំនៅប្រអប់ជើង ។

•      ជៀសវាងការដើរជើងទទេ ប៉ុន្តែប្រសិនបើជៀសវាងមិនបាន ត្រូវដើរយ៉ាងប្រុងប្រ័ត្ន  ​​​​​​             ជាពិសេសការដើរលើផ្លូវដែលក្តៅខ្លាំង ។

•      ជៀសវាងការប្រើថ្នាំលាបផ្លែម្រាមជើង ថ្នាំបណ្តូត ឬកាំបិតកោនឹងជើងដោយខ្លួនឯង             គួរប្រឹក្សាពេទ្យជាមុនសិន ។

•      កាត់បន្ថយឬគ្រប់គ្រងទម្ងន់មិនឱ្យធ្ងន់ហួសពេក ។

•      ឈប់ពិសាបារី ដែលអាចធ្វើឱ្យសរសៃឈាមស្ទះ កកឈាមទៅផ្គត់ផ្គង់នៅប្រអប់ជើង

        ថយចុះ។

•      មិនគួរប្រើគ្រឿងសំអាងនៅនឹងជើង ។

ការព្យាបាល

        ការព្យាបាលអ្នកជំងឺទឹកនោមផ្អែមដែលមានដំបៅនៅនឹងជើងត្រូវអនុវត្តន៍គោល

ការណ៍ដូចខាងក្រោមនេះ ៖

•      កាត់បន្ថយការដាក់សង្កត់ទម្ងន់នៅនឹងជើង

•      ដោះស្រាយបញ្ហាការខ្វះឈាមទៅចិញ្ចឹមនៅនឹងប្រអប់ជើង

•      ព្យាបាលការឆ្លងមេរោគ

•      គ្រប់គ្រងកំរិតជាតិស្ករ ខ្លាញ់ក្នុងឈាម និងកម្រិតសម្ពាធឈាមឱ្យបានល្អ ។

•      សំអាតដំបៅ និងលាងដំបៅ រួមទាំងការកាត់យកសាច់ ចំណិតដែលរបួស និង

        កាត់សាច់ ដែលងាប់ហើយចេញ ។

•      បណ្តុះបណ្តាល បង្កើតការយល់ដឹងដល់អ្នកជំងឺនិងញាតិ ។

•      រកមូលហេតុដែលកើតដំបៅ និងរិះរកវិធីការពារមិនឱ្យត្រឡប់មកកើតឡើងវិញ ។

មើលថែប្រអប់ជើងជាចម្បង

ដើម្បីបង្ការ

ការកាត់ប្រអប់ជើង

សូមអរគុណប្រភពមន្ទីរពេទ្យផ្យាថៃ ២