ជំងឺស្ត្រូក(stroke) មានរោគសញ្ញាព្រមានអ្វីខ្លះ ?

ជំងឺស្ត្រូក(stroke)ជាជំងឺសរសៃឈាមខួរក្បាល

បណ្តាលមកពីកង្វះឈាមទៅចិញ្ចឹមខួរក្បាល

ដែលធ្វើឲ្យខូចកោសិកាខួរក្បាល ។ កង្វះឈាមទៅចិញ្ចឹម

ខួរក្បាលដែលបណ្តាលមកពីសរសៃឈាមស្ទះ ដាច់

បែកធ្លាយ ឬសរសៃឈាមប៉ោងផ្ទុះ មិនអាចនាំឈាម

ដែលផ្ទុកខ្យល់អុកស៊ីហ្សែនទៅដល់ខួរក្បាលបាន ។

ប្រភេទនៃជំងឺ

ដាច់សរសៃឈាមក្នុងខួរក្បាលដែលយើងគួរយល់ដឹង !

✔ “សរសៃឈាមស្ទះ” ដែលបណ្តាលមកពីការសន្សំរបស់ខ្លាញ់

ក្នុងសរសៃឈាមធ្វើឱ្យប្រសិទ្ធភាពចរន្តឈាម

ខ្សោយចុះ ធ្វើឱ្យសរសៃឈាមស្ទះ បណ្តាលមក

ពីកំណកឈាមពីបេះដូងទៅកកស្ទះនៅសរសៃឈាម

ខួរក្បាល ។

✔ “សរសៃឈាមបែកធ្លាយ”

ដែលបណ្តាលមកពីបញ្ហាសរសៃឈាម

ខ្សោយ ដោយសារតែសម្ពាធឈាមឡើងខ្ពស់ ដែល

បណ្តាលមកពីជាតិខ្លាញ់ក្នុងសរសៃឈាម ធ្វើឱ្យ

ឆាប់បែកធ្លាយ រហូតបណ្តាលឱ្យមានឈាមចេញ

នៅក្នុងខួរក្បាល និងធ្វើឱ្យខួរក្បាលមានបញ្ហា ។

៥ រោគសញ្ញាព្រមាន

ជំងឺដាច់សរសៃឈាមក្នុងខួរក្បាល

✔ មានអាការៈស្ពឹក ឬខ្សោយកំលាំងម្ខាងខ្លួន

ផ្ទៃមុខ ដៃ ជើង និងបាត់បង់លំនឹង ។

✔ មិនអាចគ្រប់គ្រងមាត់បាន វៀចមាត់

និយាយមិនច្បាស់ ឬមានទឹកមាត់ចេញតាមមាត់ ។

✔ គ្មានកំលាំងដើរ ឬពុំមានកំលាំងចាប់យករបស់របរផ្សេងៗ ។

✔ របបគំហើញខុសប្រក្រតី ព្រឹលភ្នែក

ឬមើលឃើញរូបភាពតែពាក់កណ្តាល ។

✔ ឈឺក្បាលស្រួចស្រាវ ។

ប្រសិនបើមានរោគសញ្ញាបង្ហាញណាមួយនោះ សូមប្រញាប់

ទៅមន្ទីរពេទ្យដែលក្បែរផ្ទះរបស់លោកអ្នកដើម្បីទទួលការព្យាបាល

ឱ្យបានទាន់ពេលវេលា ។

#ពត៌មានបន្ថែមទាក់ទងតាមតេឡេក្រាម ៖ +66946259619

#ស្ត្រូក #stroke #ជំងឺដាច់សរសៃឈាមខួរក្បាល #ស្ត្រូក #ជំងឺលើសឈាម

#សរសៃឈាមបេះដូង #សេវាបកប្រែភាសាខ្មែរថៃនៅមន្ទីរពេទ្យ

 

ការព្យាបាលជម្ងឺសរសៃឈាមខួរក្បាលប្រភេទខ្វះឈាមភ្លាម ៗ ​ (AIS) ក្នុងពេល ៣ ម៉ោងដំបូង

ការព្យាបាលជម្ងឺសរសៃឈាមខួរក្បាលប្រភេទខ្វះឈាមភ្លាម ៗ
​ (AIS) ក្នុងពេល ៣ ម៉ោងដំបូង

      

ការព្យាបាលជម្ងឺសរសៃឈាមខួរក្បាលប្រភេទខ្វះឈាមភ្លាមៗ ដែលមកដល់​  ​​  មន្ទីរពេទ្យ ២​ម៉ោង ដំបូង តាំងតែចាប់ផ្តើមមានរោគសញ្ញា ។ត្រូវឱ្យអ្នកជម្ងឺក្រុមនេះ
មកជួបពេទ្យបានទាន់ពេល សាច់ខួរក្បាលដែលខ្វះឈាមវានៅមិនខូចទាំងអស់ ទើប
ប្រើថ្នាំរំលាយឈាម ( Thromblytic drug) នៅពេលដុំឈាមរលាយហើយ ឈាមនឹង
ត្រឡប់មកផ្គត់ផ្គង់ខួរក្បាលដែលនៅមិនទាន់ខូចហើយខួរក្បាលអាចត្រឡប់មក
ដំណើរការវិញ ។

ថ្នាំរំលាយឈាមមានចំនុចខ្សោយម្យ៉ាងគឺ ឈាមមិនងាយបាត់ហូរ គ្រោះថ្នាក់បាន ប្រសិនបើមានចេញឈាមតាមរាងកាយ ដូច្នេះទើនមិនអាចទទួលទានបានគ្រប់អ្នកជម្ងឺ វេជ្ជបណ្ឌិតឯកទេស នឹងផ្តល់ថ្នាំនេះដល់អ្នកដែលចាំបាច់ដែលត្រូវទទួលថ្នាំនេះក្នុងពេល
៣ ម៉ោង ក្រោយមានអាការៈ ( មន្ទីរពេទ្យខ្លះអាចពន្យាពេលទៅ ៤ ម៉ោងកន្លះ ) ពីព្រោះត្រូវផ្តល់ពេលទុកឳ្យក្រុមវេជ្ជបណ្ឌិត ប្រហែល ១ ម៉ោង ដើម្បីត្រួតពិនិត្យ​វិនិច្ឆ័យ មើលលទ្ធផលឈាម និងមើលរូបភាពខួរក្បាល មុននឹងសម្រេចចិត្តប្រើថ្នាំ ហើយការប្រើ
ថ្នាំចាក់ម្តងទទួលលទ្ធផលប្រហែល ៣០ % ប៉ុន្តែអាចនឹងមានឈាមចេញក្នុងខួរក្បាល
បាន ៧ % ហើយមានឳកាសបាត់បង់ជីវិតបាន ៣ % នៃចំនួនអ្នងជម្ងឺដែលប្រើថ្នាំ បើប្រៀបធៀបនិងអ្នកជម្ងឺដែលមិនប្រើថ្នាំ ។

 ​ការព្យាបាលជម្ងឺសរសៃឈាមខួរក្បាលប្រភេទខ្វះឈាមភ្លាម ៗ
​ (AIS) ក្រោយពេល ៣ ម៉ោងដំបូង

       អ្នកជម្ងឺដែលមកដល់មន្ទីរពេទ្យក្រោយ ២ ម៉ោង តាំងតែចាប់ផ្តើមមានរោគសញ្ញា ។

        អ្នកជម្ងឺក្រុមនេះ ​សាច់ខួរក្បាលដែលខ្វះឈាមទៅផ្គត់ផ្គង់នឹងខូចទាំងអស់ ឬជិត
ទាំងអស់ ការប្រើថ្នាំរំលាយឈាមមិនជួយអ្វីឡើយ ប៉ុន្តែអាចនឹងបង្កឱ្យមានឳកាសឈាម
ចេញក្នុងខួរក្បាលច្រើនឡើង ដូច្នេះហើយទើបហាមប្រើថ្នាំរំលាយឈាមចំពោះជម្ងឺក្រុម
នេះ ។   ថ្នាំត្រូវប្រើព្យាបាលអ្នកជម្ងឺក្រុមនេះរួមមាន ៖

        ១.ថ្នាំប្រឆាំងប្លាកែត ( Antiplatelet) អ្នកជម្ងឺដែលមានរោគសញ្ញាស្ទះសរសៃឈាមខួរក្បាល​ មានឳកាសកើតសាំឡើងវិញ
បានប្រហែល ១០ % ក្នុងសប្តាហ៍ដំបូង ការប្រើថ្នាំប្លាកែត ក្នុងរយៈពេល ៤៨ ម៉ោង
ដំបូង ក្រោយមានរោគសញ្ញាអាចបន្ថយការកើតឡើងសាំវិញបានប្រហែល ២៥ % ថ្នាំក្រុមនេះរួមមាន អាស្ពីរីន (aspirin) clopidogrel ,dipyridamole , cilostazol trifuxal \

        ២. ថ្នាំការពារឈាមកក (Anticoagulant)  វេជ្ជបណ្ឌិតខ្លះហៅថាពពួកថ្នាំនេះថា ថ្នាំរំលាយឈាម ឬថ្នាំរំលាយកំណកឈាម ដែលអាចងាយច្រឡំទៅនឹងថ្នាំ Thrombolysis      បាន ។​ ថ្នាំពួកនេះត្រូវជញរើសរើសប្រើ នៅក្នុងករណីដែលស្ទះសរសៃឈាមកើតពី
កំណកឈាមនៅបេះដូង ចេញមកស្ទះសរសៃឈាមខួរក្បាល ហើយច្រើនតែប្រើ
នៅកនុងសរសៃឈាមខួរក្បាលដែលមាន ទំហំមិនធំពេក ។ នៅពេលដែលចាប់ផ្តើម
ប្រើ វាអាស្រ័យទៅលើវេជ្ជបណ្ឌិតម្នាក់ៗ ហើយវាអាចប្រើប្រាស់សម្រាប់ការពារ
សរសៃឈាមខ្មៅនៅជើងស្ទះពីការពិការភាព ។ ថ្នាំមានទាំងថ្នាំចាក់និងថ្នាំគ្រាប់សម្រាប់
ទទួលទាន ដូចជាថ្នាំ heparin ជាប្រភេទចាក់ និងថ្នាំ warfarin ជាថ្នាំប្រភេទគ្រាប់សម្រាប់
ទទួលទាន ។

      ៣.​ថ្នាំបញ្ជុះសម្ពាធឈាម ភាគច្រើនអ្នកជម្ងឺដែលមានជម្ងឺសរសៃឈាមខួរក្បាល
ច្រើនតែមានបញ្ហារឿងលើសឈាមសម្ពាធឈាមខ្ពស់ពេកអាចបណ្តាលឱ្យមានឈាម

ចេញនៅសាច់ខួរក្បាលផ្នែកដែលខូច ឬ ធ្វើឳ្យខួរក្បាលហើមខ្លាំងជាងធម្មតា ។
វេជ្ជបណ្ឌិត ច្រើនតែ​ឱ្យថ្នាំបញ្ចុះសម្ពាធឈាម នៅពេលដែលសម្ពាធឈាមឡើងលើសពី ២២០ / ១២០ មម.ប៉ារត ហើយក្នុងករណីដែលឳ្យថ្នាំរំលាយឈាម (Thromblytic drug) ដល់អ្នកជម្ងឺ គួរបញ្ចុះសម្ពាធឈាម នៅពេលដែលសម្ពាធឈាមលើសពី ១៨០/១១០ មម. ប៉ារត ។

        ៤. ថ្នាំការពារកោសិកាក្នុងខួរក្បាលស្លាប់ ឬថ្នាំបំរុងកោសិកាខួរក្បាល (Neuroprotective និង neurotropic drugs) មានការសិក្សាការប្រើថ្នាំនេះមកជាច្រើនឆ្នាំ ហើយមានច្រើនប្រភេទ ដូចជា ថ្នាំប្រភេទ Citicoline និង Neuropeptide  លទ្ធផលនៃ
ការសិក្សាឃើញថា មានផលល្អប៉ុន្តែមិនសូវជាច្បាស់លាស់ប៉ុន្មានដែរ ហើយមានផល
ប៉ះពាល់តិចតូចបំផុត ។ ហើយត្រូវឳ្យថ្នាំនេះតាំងតែចាប់ផ្តើមមានរោគសញ្ញាថ្មីៗ ក្រៅពី
នេះនៅមានការព្យាយាមសិក្សាថ្នាំ ប្រភេទថ្មីៗ ដែលទាំក់ទងទៅនិងថ្នាំប្រភេទនេះផងដែរ ។

        ការព្យាបាលផ្សេងៗ ដូចជា ការធ្វើឳ្យឈាមកាន់តែថ្លាឡើង ការបន្ថយកំដៅការផ្តល់
អុកស៊ីហ្សែនច្រើនឡើង និងការចាក់ម្ជុលវិទ្យាសាស្ត្រ ដែលមានលទ្ធផល នៃ​ការសិក្សា​សាកល្បង ចំពោះអ្នកជម្ងឺសរសៃឈាមប្រភេទខ្វះឈាមភ្លាមៗ ប៉ុន្តែការសិក្សាឃើញថា នៅមិនទាន់បានបញ្ជាក់ថាមានប្រយោជន៍ពិតប្រាកដនៅឡើយនោះទេ ។

សូមអរគុណប្រភព មន្ទីរពេទ្យផ្យាថៃ ២