មើលថែសុខភាពប្រអប់ជើងជាចម្បង ដើម្បីបង្ការការកាត់ប្រអប់ជើង

មើលថែសុខភាពប្រអប់ជើងជាចម្បង 

ដើម្បីបង្ការការកាត់ប្រអប់ជើង 

ទិវាយល់ដឹងទឹកនោមផ្អែមពិភពលោក ផ្តោតសំខានទៅលើរឿងទឹកនោមផ្អែម និងការថែទាំ

ប្រអប់ជើង ដោយសារតែទឹកនោមផ្អែមជាមូលហេតុសំខាន់ធ្វើឱ្យមានការកាត់ប្រអប់ជើង ។ ការថែទាំអ្នកជំងឺទឹកនោមផ្អែមយ៉ាងត្រឹមត្រូវ រួមជាមួយនឹងការណែនាំ ការថែទាំប្រអប់ជើង ដោយខ្លួនឯងនៃអ្នកជំងឺ នឹងអាចបង្ការការកាត់ប្រអប់ជើង ដែលបណ្តាលមកពីជំងឺទឹកនោម

ផ្អែមបាន ។

·        មានអ្នកជំងឺទឹកនោមផ្អែម​ ២០ ភាគរយ ដែលត្រូវព្យាបាលនៅក្នុងមន្ទីរពេទ្យដោយសារដែលមានដំបៅតាមប្រអប់ជើង ។

·        ជំងឺទឹកនោមផ្អែមគឺជាមូលហេតុដែលធ្វើឱ្យមានការកាត់ប្រអប់ជើង ឬជើងដល់ទៅ ៤០ - ៧០ ភាគរយ ។

·        អ្នកជំងឺទឹកនោមផ្អែមដែលត្រូវកាត់ប្រអប់ជើង ៨៥ ភាគរយ ចាប់ផ្តើមពីការមានដំបៅនៅប្រអប់ជើងមកពីមុន ។

·        ជារៀងរាល់ ៣០​ វិនាទី អ្នកជំងឺទឹកនោមបាត់បង់ប្រអប់ជើងដោយការកាត់ប្រអប់ជើងចេញ​ ។

·        អ្នកជំងឺទឹកនោមផ្អែមមានហានិភ័យដែលត្រូវកាត់ប្រអប់ជើងខ្ពស់ជាងអ្នកដែល

     មិនមានជំងឺដល់ទៅ ៤០ ដង ។

ជំងឺទឹកនោមផ្អែមជាជំងឺរ៉ាំរ៉ៃមានភាពកាចសាហាវខ្លាំង ក្នុងឆ្នាំ ២០០៣ មានអ្នកជំងឺ

ទឹកនោមផ្អែមទូទាំងពិភពលោកប្រហែលជា ១៩៤ លាននាក់ ដែលត្រូវរំពឹងថានឹងកើន

ឡើងដល់ទៅ ៣៣៣ លាននាក់ ក្នុងឆ្នាំ ២០២៥ ។ ដោយសារតែប្រជាជនមានអាយុកាន់

តែយូរជាងមុន ។ ការមិនសូវហាត់ប្រាណ ការទទួលទានអាហារដែលមិនត្រឹមត្រូវតាម

សុខអនាម័យ ។ តាមតួលេខដែលមានអ្នកជំងឺទឹកនោមផ្អែមកាន់តែកើនឡើង ចំនួនអ្នក

ជំងឺដែលមានភាវៈជ្រៀតជ្រេកនៃជំងឺទឹកនោមផ្អែមក៏កើនឡើងផងដែរ រួមទាំងបញ្ហាដែល

ទាក់ទងនឹងប្រអប់ជើងផងដែរ ។ ប្រសិនបើមិនទទួលការចាប់ អារម្មណ៍ យកចិត្តទុក

ដាក់នោះ នឹងមានអ្នកជំងឺត្រូវកាត់ជើងកាន់តែច្រើនឡើង​ ។

ការផ្តល់ការថែទាំព្យាបាលប្រអប់ជើងយ៉ាងសមស្រប រួមទាំងការផ្តល់ការណែនាំ 

ថែទាំប្រអប់ជើងដោយខ្លួនឯងដល់អ្នកជំងឺទឹកនោមផ្អែម 

ជាវិធីសាស្រ្តដែលកាត់បន្ថយការកាត់ប្រអប់ជើងបាន ដែលមានដូចខាងក្រោម ៖

·      ​  → ការបង្ការ  
→ ការព្យាបាលរបួស (មានវិធីសាស្ត្រជាច្រើនរួមគ្នា)
→ អង្គការ ឬស្ថាប័នដែលសមស្រប
→ ការតាមដានថែទាំយ៉ាងជិតដិត
→ ការផ្តល់ការណែនាំដល់អ្នកជំងឺនិងបុគ្គលិកដែលថែទាំព្យាបាលជំងឺទឹកនោមផ្អែម ។ 

ដោយការរួមបញ្ចូលវិធីសាស្ត្រផ្សេងៗរំពឹងថានឹងអាចកាត់បន្ថយអត្រាការកាត់ប្រអប់ជើង

បានដល់ទៅ ៤៩ - ៨៥ ភាគរយ ដូច្នេះហើយ

ដល់ពេលហើយដែលត្រូវថែទាំប្រអប់ជើងឱ្យកាន់តែល្អឡើង ដោយផ្តោតសំខាន់ទៅលើការបង្ការនិងការផ្តល់ចំណេះដឹង ។

មានការវាយតម្លៃថា ៦.៣ ភាគរយ នៃប្រជាជននៃពិភពលោក កើងជំងឺទឹកនោមផ្អែម ។ ក្នុងមួយឆ្នាំៗ មានអ្នកជំងឺដែលបាត់បង់ជីវិតដោយមូលហេតុទាក់ទងនឹងជំងឺទឹកនោមផ្អែម

ច្រើនជាង ៣ លាននាក់ទូទាំងពិភពលោក និងបច្ចុប្បន្នគិតថាជំងឺទឹកនោមផ្អែមជា

សាហេតុនៃការបាត់បង់ជីវិតលំដាប់ដើមគេ សម្រាប់ប្រទេសអភិវឌ្ឍន៍ហើយ ។

សូមអរគុណប្រភព 

មន្ទីរពេទ្យផ្យាថៃ ២ 

ការថែទាំប្រអប់ជើង

ការថែទាំប្រអប់ជើង

                ការថែទាំប្រអប់ជើងបានយ៉ាងល្អ អាចការពារការកាត់ប្រអប់ជើងបាន សម្រាប់

អ្នកជំងឺទឹកនោមផ្អែមភាគច្រើន ។បើទោះបីជាមិនអាចជៀសវាងការត្រូវកាត់ជើងចេញបាន

ប៉ុន្តែអាចថែទាំជើងខាងដែលនៅសល់និងអាចរស់នៅបានយ៉ាងមានសេចក្តីសុខតទៅក្រោម

ការមើលថែទាំយ៉ាងល្អពីក្រុមថែទាំសុខភាពប្រអប់ជើង ។

ការបង្ការការកាត់ប្រអប់ជើង អាចធ្វើបានដោយ ៖ 

•          ការផ្តល់ចំណេះដឹងដើម្បីឱ្យអាចពិនិត្យឃើញបញ្ហាតាំងតែរយៈដំបូង

•          ការផ្តល់សេវាកម្មបែបសង្គ្រោះបន្ទាន់

•          ការពិនិត្យរកការឆ្លងមេរោគ និងការផ្តល់ការព្យាបាលតាំងតែពីដំបូង

•          ការគ្រប់គ្រងទឹកនោមផ្អែមឱ្យបានល្អបំផុត

•          ការថែទាំដំបៅដោយក្រុមអ្នកជំនាញ

ដំបៅនៅនឹងប្រអប់ជើងរបស់អ្នកជំងឺទឹកនោមផ្អែម បានបង្កឱ្យមានបញ្ហារឿងហិរញ្ញ

វត្ថុដ៏សំខាន់ ។ ប្រសិនបើត្រូវកាត់ប្រអប់ជើង គឺត្រូវដេកសម្រាក់នៅមន្ទីរពេទ្យកាន់

តែយូរឡើង ត្រូវធ្វើស្តានីតិសម្បទា និងត្រូវអាស្រ័យការថែទាំប្រកបដោយការ

យកចិត្តទុកដាក់ខ្លាំងនៅផ្ទះ និងសេវាខាងផ្នែកសង្គមដែលត្រូវចំណាយជាច្រើន ។

អ្វីគឺជាមូលហេតុនៃការកើតដំបៅនៅប្រអប់ជើងសម្រាប់អ្នកជំងឺទឹកនោមផ្អែម ?

ជាទូទៅបញ្ហានេះបង្កដោយមូលហេតុសំខាន់ៗ ដូចជា ៖

•          ការខូចសរសៃប្រសាទ / បំផ្លាញ (ការជ្រៀតជ្រេកតាមប្រព័ន្ធសរសៃប្រសាទ

            ខាងចុងដែល បណ្តាលមកពីទឹកនោមផ្អែម ) ។

•          ប្រអប់ជើងនិងម្រាប់ជើងខុសប្រក្រតី ដូចជា ប្រអប់ជើង.... ឆ្អឹងមេជើងប៉ោង

            ឡើង ឬមានប្រអប់ជើងខុសប្លែក មិនត្រូវនឹងស្បែកជើងដែលពាក់ ។

•          ឈាមទៅចិញ្ចឹមប្រអប់ជើងមិនគ្រប់គ្រាន់ (ការជ្រៀតជ្រេកនៃសរសៃឈាម

            ដែលបណ្តាល មកពីទឹកនោមផ្អែម ) ។

•          មានរបួសស្នាម (អាចចាប់ផ្តើមពីរបួសតូចៗ ) ។

ការខូចសរសៃប្រសាទ /បំផ្លាញ  

            ការជ្រៀតជ្រេកនៃប្រព័ន្ធសរសៃប្រសាទខាងចុង ធ្វើឱ្យមិនមានអារម្មណ៍

ឈឺជើង ស្ពឹកជើង និងនៅពេលមានរបួសស្នាមក៏មិនបានសង្កេត ព្រោះមិនមាន

អារម្មណ៍ឈឺជើង ។ ស្បែកប្រអប់ជើង ច្រើនតែស្ងួតខ្លាំង  និងងាយបែក ដាច់ រលាត់ ដែលជាហេតុបង្កឱ្យមានដំបៅ និងឆ្លងមេរោគ ជាពិសេសអ្នកជំងឺដែលខូចសរសៃ

ប្រសាទ ហើយមិនបានប្រើស្បែកជើងដែលសមស្របនឹងធ្វើឱ្យកើតដំបៅបានងាយឡើង ។

 

សូមអរគុណប្រភព មន្ទីរពេទ្យផ្យាថៃ ២