Chemotherapy…..ការព្យាបាលជំងឺមហារីកដោយគីមីបំបាត់

Chemotherapy…..ការព្យាបាលជំងឺមហារីកដោយគីមីបំបាត់

នាពេលបច្ចុប្បន្នវិធីសាស្ត្រការព្យាបាលជំងឺមហារីកដែលត្រូវបានគេទទួល

ស្គាល់ច្រើនបំផុត​នោះគឺគីមីបំបាត់ឬការប្រើថ្នាំគីមី ដើម្បីចូលទៅបំផ្លាញកោសិកាមហារីកក្នុងខ្លួនអ្នកជំងឺ ហើយយើងក៏ធ្លាប់បានដឹងខ្លះហើយអំពីផលវិបាកនៃការប្រើថ្នាំគីមីបំបាត់ ដូច្នេះហើយធ្វើឱ្យអ្នកជំងឺជាច្រើនមានការកង្វល់​ក្នុងចិត្តលោក វេជ្ជបណ្ឌិត
វិឈីត អាផនវិរ័តន៍​ ឯកទេសជំងឺមហារីក មន្ទីរពេទ្យផ្យាថៃ ២ បាន
អធិ​ប្បា​យ​​ពី​វិធីសាស្ត្រការព្យាបាលដោយវិធីគីមីបំបាត់ដើម្បីឱ្យអ្នកជំងឺ និងបុគ្គលទូទៅ បានស្វែងយល់​​កាន់តែច្រើនឡើងអំពីបញ្ហានេះ ។

តើអ្វីទៅគឺជា គីមីបំបាត់ ? 

គីមីបំបាត់ ឬ Chemotherapy គឺជាប្រភេទសារធាតុដែលមានឥទ្ធិពល

ទៅបញ្ឈប់ទប់ទល់ និង
កម្ចាត់កោសិកាដែលមានការរីកលួតលាស់ ឬបែកខ្លួនយ៉ាងលឿន 

ដូចជា កោសិកាមហារីកក្នុងរាងកាយមនុស្ស ប៉ុន្តែក្នុងពេលជាមួយគ្នា

នេះដែរ គីមីបំបាត់ក៏មានចំណែកក្នុងការបំផ្លាញកោសិកាប្រក្រតីដែល

មានការរីកលួតលាស់លឿនផងដែរ ដូចជា កោសិកាគ្រាប់ឈាមស 

កោសិកាទាក់ទងនឹងសរសៃសក់ កោសិកាភ្នាសក្រពះអាហារ

ជាដើម ដូច្នេះហើយទើបយើងតែងតែបានលឺជាញឹកញាប់

ពីផលវិបាកនៃការប្រើគីមីបំបាត់ ដូចជា ជ្រុះសក់

 អស់កំលាំងខ្លាំង ងាយឈឺពោះជាដើម ។

ប៉ុន្តែដោយធម្មជាតិរបស់មនុស្សយើងនៅពេលដែលកោសិកាប្រក្រតី

ត្រូវបានកម្ចាត់នោះ រាងកាយនឹងបង្កើតកោសិកាថ្មី

មកជំនួសក្រោយពីការឱ្យថ្នាំគីមីបំបាត់ហើយនោះ គ្រូពេទ្យនឹងណែនាំឱ្យអ្នកជំងឺសម្រាកប្រហែលជា ៣-៤ សប្តាហ៍ 

ឬរងចាំរហូតចំនួនគ្រាប់ឈាមស និងសភាពរាងកាយរឹងមាំល្មមអាចនឹងទទួលថ្មាំគីមីបំបាត់ជាបន្តទៀត ហើយនៅក្នុងវិធីសាស្ត្រការព្យាបាលជំងឺមហារីកប្រភេទខ្លះអាចត្រូវ

ប្រើការព្យាបាលដោយគីមីបំបាត់រួមជាមួយនឹងការបាញ់កាំរស្មី និងការវះកាត់រហូតដល់ចប់ការព្យាបាល ។ 

តើអ្នកជំងឺចំបាច់ត្រូវតែទទួលថ្មាំគីមីបំបាត់គ្រប់គ្នាឬទេ ?

អ្នកជំងឺមហារីក អាចមិនចាំបាច់ទទួលការព្យាបាលដោយវិធីសាស្ត្រ

ឱ្យថ្នាំគីមីបំបាត់រហូតនោះទេជាដំបូងយើង​ត្រូវដឹងថាជំងឺមហារីកគឺជាជំងឺដែលអាចកើតនៅគ្រប់អវយវៈ

ក្នុងរាងកាយយើងសូម្បីតែអវយវៈតែមួយក៏​អាចកើងជំងឺមហារីកប្រភេទផ្សេងគ្នាបាន ។ 

ដូច្នេះ រូបបែប វិធីសាស្ត្រការព្យាបាលក៏​មិនដូចគ្នា 

អ្នកជំងឺម្នាក់ៗ​អាចទទួល​ការព្យាបាលក្នុងទម្រង់ផ្សេងៗ ដែលមិនមែនជាការឱ្យថ្នាំគីមីបំបាត់ក៏បានដូចគ្នាដែរ ។

គីមីបំបាត់អាចព្យាបាលមហារីកគ្រប់ប្រភេទមែនទេ ?

ថ្នាំគីមីបំបាត់ មិនអាចព្យាបាលមហារីកគ្រប់ប្រភេទបានទេ 

ជាទូទៅថ្នាំគីមីបំបាត់ ១ ប្រភេទនោះ អាចមានប្រសិទ្ធភាព

ចំពោះកោសិកាមហារីកប្រភេទខ្លះតែប៉ុណ្ណោះ ទើបខាងផ្នែកវេជ្ជសាស្ត្រត្រូវមានរូបមន្តថ្នាំគីមីបំបាត់ច្រើនប្រភេទ ដើម្បីប្រើក្នុងការព្យាបាលមហារីក ជំងឺមហារីកប្រភេទខ្លះត្រូវការ

ប្រើថ្នាំគីមីបំបាត់ ២-៣ ប្រភេទរួមគ្នាដើម្បីបង្កើនប្រសិទ្ធភាព

ថ្នាំក្នុងការព្យាបាល ។ក្នុងកំឡុងពេលជាង ៤០ 

ឆ្នាំកន្លងមក រូបមន្តថ្នាំគីមីបំបាត់ទាំងនេះបានឆ្លងកាត់

ការសិក្សាស្រាវជ្រាវផ្លាស់ប្តូរ និងបច្ចេកទេស

ការព្យាបាលរហូតមក ទើបធ្វើឱ្យទទួលលទ្ធផល

ការព្យាបាលបានគួរជាទីពេញ​ចិត្ត ព្រមទាំងជួយឱ្យពេទ្យដឹងថាអ្នកជំងឺមហារីកណា

ត្រូវប្រើរូបមន្តថ្នាំគីមីបំបាត់មួយណាត្រូវក្នុងការព្យាបាល។ ហើយក្នុងពេលជាមួយគ្នានេះដែរ បច្ចេកវិទ្យាវេជ្ជសាស្ត្រក៏នៅតែបន្តការសិក្សាស្រា​វជ្រាវ

រូបមន្តថ្នាំ និងបច្ចេកទេសការព្យាបាលថ្មីៗ ដែលមានប្រសិទ្ធភាព

ថែមទៀត ធ្វើឱ្យអត្រាការព្យាបាលជំងឺមហារីកទទួលបាន

ជោគជ័យកាន់តែខ្ពស់ឡើងថែមទៀតជាបន្តបន្ទាប់ ។ 

សូមអរគុណ 

 វេជ្ជ. វិឈីត អាផនវិរ័តន៍

ពេទ្យប្រចាំផ្នែកមហារីក មន្ទីរពេទ្យផ្យាថៃ ២

មហារីកពោះវៀនធំ

 មហារីកពោះវៀនធំ

 

ការមិនមានរោគជាលាភដ៏ប្រសើរ សុខភាពល្អរមែងមានតម្លៃជាងទ្រព្យសម្បត្តិណាៗ

ទាំងអស់ ពីព្រោះថាជួនកាលទោះជាខំព្យាយាមទៅ

ព្យាបាល នៅមន្ទីរពេទ្យឈានមុខ មានបច្ចេកវិទ្យាវេជ្ជសាស្ត្រទាន់ សម័យប៉ុណ្ណាក៏ដោយ ក៏នៅមិនអាចទិញសុខភាពដ៏ល្អ មកបានដែរ ។

រោគ ឬជំងឺខ្លះដោយគ្រាន់តែផ្លាស់ប្តូរឥរិយាបថការរស់

នៅ ការប្រើប្រាស់ជីវិតប្រចាំថ្ងៃ ក៏អាចបង្ការឬព្យាបាល ឱ្យជាសះស្បើយបាន ជាឧទាហរណ៍ដូចជាជំងឺទាក់ទង នឹងក្រពះ ពោះវៀនជាដើម ។ ការប្រើជីវិត ដោយការ ញ៉ាំអាហារដែលមិនមានប្រយោជន៍ និងមិនសូវហាត់ ប្រាណឱ្យទៀងទាត់ មានស្ត្រេសរួម

ជាមួយផង បណ្តាល ឱ្យប្រព័ន្ធផ្លូវរំលាយអាហារធ្វើការខុសប្រក្រតី ដែលជា កត្តាបង្កឱ្យកើតជំងឺមហារីកពោះវៀននៅថ្ងៃអនាគតបាន ដែលជាជំងឺដែលមាន

គ្រោះថ្នាក់បំផុត ឆក់យកអាយុ ជីវីតមនុស្សជាច្រើនក្នុងមួយឆ្នាំៗ ។ក្រៅពីកត្តាខាងលើ

នោះ នៅមានកត្តាប្រឈមផ្សេងៗទៀតដូចជា

- មានប្រវត្តិមានដុំសាច់នៅពោះវៀន ពីព្រោះថាដុំសាច់ នេះអាចវិវត្តន៍

ទៅជាមហារីកពោះវៀនធំបាន ។

- មានប្រវត្តិក្រុមគ្រូសារកើតជំងឺមហារីកពោះវៀន ជាពិសេសសមាជីកគ្រូសារដែលមានជំងឺនេះនៅមុនអាយុ 60 ឆ្នាំ ។

- មានជំងឺធាត់

- មានអាយុលើស ពី 50 ឆ្នាំឡើងទៅ ប៉ុន្តែអាច

ជួបប្រទះបានចំពោះមនុស្សដែលមានអាយុតិច

ជាងនេះផងដែរ ។

ការត្រួតពិនិត្យរកសារធាតុដែលបង្ហាញពីជំងឺ

មហារីកពោះវៀនមានដូចជា ការជោះឈាម

ការថតឆ្លុះដោយ CT scan ជាដើម ។ ហើយវិធីដែលងាយបំផុតនោះ គឺការ

សុងពោះវៀននោះឯង ។ ការបង្ការតាំងពីដំបូង ប្រយ័ត្នយឺតពេលក្នុងការព្យាបាល ។ សុខភាពរបស់យើងប្រសើរឡើង

ដោយការថែទាំសុខ ភាពរបស់

យើងដោយខ្លួនឯងបាទ ៕

អត្ថបទដកស្រងចេញពីមន្ទីរពេទ្យផ្យាថៃ ២

មហារីកពោះវៀនធំ ជំងឺអន្តរាយដែលអាចការពារបាន

ការត្រូតពិនិត្យរកកោសិកាមហារីកពោះវៀនធំដោយការ
ថតឆ្លុះពោះវៀនធំ(Colonoscopy)ឬការថតឆ្លុះដោយកុំព្យូទ័រ
(CT​ ​Colonography)​វាអាចការពារការ​កើត​ជំងឺមហារីកពោះវៀនធំបាន ហើយជៀសរាង​ការរាលដាលនៃជំងឺ ដែល​មិនអាចព្យា​បាល​បាន។

➼ ប្រសិនបើលោកអ្នកមានបញ្ហាដូចខាងក្រោមនេះ គូរមកប្រឹក្សាយោបល់
ជាមួយវេជ្ជបណ្ឌិតដើម្បីត្រូតពិនិត្យរកកោសិកាមហារីកអោយបានទាន់
ពេលវេលា ។
 

 ➢ អ្នកដែលមានអាយុច្រើនជាង 50 ឆ្នាំ។
➢ អ្នកដែលមានប្រវត្តិកើតជំងឺមហារីកពោះវៀនធំឬធ្លាប់ពិនិត្យ
    ឃើញដុំសាច់ប្រភេទ Adenoma នៅក្នុងពោះវៀន ។
➢ នៅក្នុងក្រុមគ្រូសារមានអ្នកធ្លាប់កើតជំងឺមហារីកពោះវៀនធំ។
➢ ធ្លាប់មានរលាកពោះវៀនរាំរ៉ៃ​ ។
➢ មានជំងឺតំណពូជដែលទាក់ទងនិងមហារីកពោះវៀនធំ។

សូមអរគុណ មន្ទីរពេទ្យផ្យាថៃ ២