សេវារៀបចំឯកសារមកប្រទេសថៃ ដើម្បីទេសចរណ៍ និងព្យាបាលជំងឺ

 សេវារៀបចំឯកសារមកប្រទេសថៃ ដើម្បីទេសចរណ៍ និងព្យាបាលជំងឺ

ដើម្បីធ្វើដំណើរមកព្យាបាលនៅបាងកក ប្រទេសថៃ បាននោះ ត្រូវមានការដំណើរការឯកសារខ្លះ ៗសម្រាប់ការចូលមកនោះ មានដូចជាការកក់សណ្ឋាគារ ឬការធ្វើការណាត់ពេទ្យ ដើម្បីយកឯកសារបញ្ជាក់ការព្យាបាល ពីមន្ទីរពេទ្យ រួចហើយត្រូវបំពេញឯកសារតាមអនឡាញដើម្បីទទួលយក QR Code Thailand Pass ។ ពត៌មានបន្ថែមទាក់ទង Telegram : 66946259619

គួរ ឬមិនគួរ

 

ជួនកាលយើងមិនដឹងថាអ្វីគួរ ឬមិនគួរនោះទេ

ពីព្រោះមានអ្វីម្យ៉ាងមកបិទបាំងគំនិតរបស់យើង ឬក៏អ្វីដែល

ជាបញ្ហាចាក់ឬសក្នុងចិត្តរបស់យើង ...?

នេះជាមេរៀន......

បាងកក 2/1/2022

ទេសចរណ៍បរទេសចុងឆ្នាំចាស់ កុំឱ្យប៉ះធានារ៉ាប់រងកូវីដ-១៩

 ទេសចរណ៍បរទេសចុងឆ្នាំចាស់ កុំឱ្យប៉ះធានារ៉ាប់រងកូវីដ-១៩

ចុងឆ្នាំចាស់ ផ្លាស់ចូលឆ្នាំថ្មី ឆ្នាំ 2022 !!!

ឆ្នាំចាស់ ឆ្នាំ 2021 កំពុងតែនឹងឆ្លងផុតទៅ នៅថ្ងៃនេះ

ជំនួសមកវិញនូវឆ្នាំថ្មី ឆ្នាំ 2022 ដែលនឹងចូលមកក្នុងពេល

ខាងមុខ​ប៉ុន្មានម៉ោងទៀតនោះ ។ ទេសចរខ្មែរយើង ដែលមានធនធាន មានលទ្ធភាព តែងនាំគ្នាទៅកម្សាន្តនៅបរទេសជាប្រចាំនៅពេលចុងឆ្នាំ ។

ហើយឆ្នាំនេះ ក៏ដូចជាឆ្នាំកន្លងមកដែរ បងប្អូនខ្មែរ ដែលមិនបានចាកចេញពីខ្មែរជាច្រើនខែមកហើយ ដោយបញ្ហាការឆ្លងវីរុសកូវីដ-១៩ បាននាំគ្នាចេញពីប្រទេសរបស់ខ្លួន ដោយសារ តែមានការបន្ធូបន្ថយគោលនយោបាយការធ្វើចត្តាឡីស័ក ទាំងប្រទេសខ្មែរយើង និងប្រទេសគោលដៅ ។

ប្រទេសគោលដៅ មានដូចជាប្រទេសថៃ បានសម្រួលដល់អ្នកធ្វើដំណើរមកពីបរទេស មិនតម្រូវឱ្យធ្វើចត្តាឡីស័កច្រើន ថ្ងៃដូចពេលកន្លងមក ក្រោមគម្រោងមួយក្នុងចំណោមគ្រោងផ្សេងទៀតនោះ គឺគម្រោង Test & Go គម្រោងនេះ តម្រូវ ឱ្យអ្នកដំណើរពីបរទេសដែលចូលមកប្រទេសថៃ ត្រូវស្នាក់នៅសណ្ឋាគារ ឬកន្លែងដែលទទួលស្គាល់ពីរាជរដ្ឋាភិបាលថៃ ចំនួន ១ យប់ ឬក្រោយពីទទួលលទ្ធផលតេស្តកូវីដ អវិជ្ជមាន ។ បញ្ហាដែលយើងជួបប្រទះនៅពេលដែលលទ្ធផលកូវីដ-១៩ វិជ្ជមាន នោះជាសុបិន្តអាក្រក់របស់អ្នកទេសចរ ក៏ដូចជាអ្នកដែលមកទទួលការព្យាបាលបន្តផងដែរ ។

      សុបិនអាក្រក់ ដែលជួបប្រទះជាញឹកញាប់នោះ គឺថា

កាលណាបើយើងតេស្តកូវីដហើយទទួលបានលទ្ធផលវិជ្ជមាននោះគឺថា ទីមួយយើងត្រូវធ្វើចត្តាឡីស័កនៅអូតែលដែលគេតម្រូវឱ្យនៅសម្រាប់ព្យាបាល ក្នុងករណីដែលយើងមិនមានរោគសញ្ញាបង្ហាញណាមួយដែលទាក់ទងនឹងជំងឺមួយនេះ ។ ទីពីរក្នុងករណីមួយទៀត ប្រសិនបើយើងមានរោគសញ្ញាណាមួយ គឺតម្រូវឱ្យយើងត្រូវទៅព្យាបាលនៅមន្ទីរពេទ្យ ។

      មន្ទីរពេទ្យដែលយើងត្រូវទៅព្យាបាលភាគច្រើនជាមន្ទីរពេទ្យឯកជន ដូច្នេះ សុបិនអាក្រក់នៅទីនេះ គឺការចាយវាយ ការចំណាយច្រើន ទៅលើការស្នាក់នៅ ការព្យាបាល ការបាត់បង់ពេលវេលាដោយឥតប្រយោជន៍ ជាដើម ។

ការចំណាយនេះសោត ក៏មានក្រុមហ៊ុនធានារ៉ាប់រង ជាអ្នកធានាក្នុងការចេញថ្លៃព្យាបាល ។ ការជ្រើសរើសប្រើសេវា ក្រុមហ៊ុនធានារ៉ាប់រងក៏ជារឿងសំខាន់ដែរ ។ ពីព្រោះថា មានក្រុមហ៊ុនមួយចំនួន ជាពិសេសក្រុមហ៊ុនធានារ៉ាប់រងនៅបរទេសមួយចំនួនមិនព្រមចាយដោយសំអាងទៅលើលក្ខខណ្ឌផ្សេងៗ ។

ធានារ៉ាប់រង គឺជាលក្ខខណ្ឌការចូលទៅបរទេស មិនថាប្រទេសថៃនោះទេ ។ ការទិញធានារ៉ាប់រង ដែលមានទឹកប្រាក់ធានាក្នុងការព្យាបាលក្នុងករណីដែលយើងកើតជំងឺកូវីដក្នុង កំឡុងពេលធ្វើដំណើរ ។ ទឹកប្រាក់ដែលយើងត្រូវបង់ ឬត្រូវទិញនោះ មានតម្លៃខុសៗ គ្នាទៅតាមក្រុមហ៊ុនដែលយើងជ្រើសរើស ។ ហើយធានារ៉ាប់រងដែលយើងទិញនេះ នឹងត្រូវចេញឱ្យយើងក្នុងការព្យាបាលជំងឺកូវីដ ១៩ ។​​ ប៉ុន្តែនៅមានបញ្ហាត្រង់ថា លក្ខខណ្ឌការទិញ និងក្រុមហ៊ុនមួយចំនួនអាចបដិសេធក្នុងការចេញជំនួសយើងនូវថ្លៃការព្យាបាលរបស់យើង ។

ជាឧទាហរណ៍ ក្រុមហ៊ុនមួយនោះ(នៅអឺរ៉ុប) បដិសេដដោយសំអាងទៅនិយមន័យនៃជំងឺកូវីដទៅតាមប្រទេសរបស់ខ្លួន ដោយអ្នកដំណើរមកពីខ្មែរ មកលេងបាងកក ប្រទេសថៃ  គាត់ត្រូវបានគេតេស្តឃើញមានជំងឺកូវីដ ប៉ុន្តែគ្មានរោគសញ្ញា ដូច្នេះ កាលណាគ្មានរោគសញ្ញាអ្នកជំងឺអាចស្នាក់នៅផ្ទះ ឬក៏ព្យាបាលនៅផ្ទះបាន ដូច្នេះ ក្រុមហ៊ុនហ្នឹងបដិសេធមិនព្រមចេញថ្លៃធានារ៉ាបរងតាមអ្វីដែលយើងទិញ ។ សួរថាអ្នកទេសចរមកថៃ មានផ្ទះឯណាទៅស្នាក់នៅ មានកន្លែងឯណាទៅស្នាក់នៅដោយមិនអស់លុយ ។ ចម្លើយគឺគេមិនទទួលដឹង ។ ហើយបើតាមគោលការណ៍របស់ថៃ ភាគច្រើនបើមានវិជ្ជមានជំងឺកូវីដហើយត្រូវព្យាបាល ទោះមានរោគសញ្ញាឬគ្មានក៏ដោយ ។ កាលណាមានការព្យាបាលហើយ ពិតណាស់ការចំណាយប្រាកដជាមាន ។ នេះជាបញ្ហាមួយដែលយើងធ្លាប់ជួបប្រទះ ។​ ដូចនេះហើយ ដំណោះស្រាយដែលល្អ គួរជ្រើសរើសក្រុមហ៊ុនធានារ៉ាប់រងដែលជារបស់ប្រទេសថៃ ពីព្រោះយើងមកលេង ឬមកព្យាបាលនៅថៃ ។ អ្វី ៗ វាងាយស្រួល ក្នុងការចរចា ទាមទារសំណងពីក្រុមហ៊ុនថៃ ។

      ឆ្នាំចាស់កន្លងផុតទៅ ឆ្នាំថ្មីនឹងចូលមក ការជ្រើសរើសទិញបណ្ណធានារ៉ាប់រងក្នុងការធ្វើដំណើរគឺជារឿងសំខាន់ក្នុងសម័យកាលនេះ ។

គ្រប់យ៉ាងមិនអាចបង្ខំបាន !

 

គ្រប់យ៉ាងមិនអាចបង្ខំបាន !

អ្វីៗ គ្រប់យ៉ាងដែលកើតឡើងលើលោកសន្និវាសនេះ

យើងមិនអាចបង្ខំបានឡើយ ។ ការរស់នៅប្រចាំថ្ងៃ

ការធ្វើដំណើរ សេចក្តីស្រលាញ់ ការអាណិត ការខូចចិត្ត

ការខកចិត្ត ការសោកសៅ ឬអ្វីៗផ្សេងៗទៀត ដែលជាហេតុការណ៍ដែលបានកើតឡើងចំពោះដួងចិត្តរបស់យើង

រាល់ថ្ងៃនេះ យើងមិនអាចបង្ខំបានឡើយ ។ ហេតុការណ៍

ណាមួយដែលកើងឡើងហើយ តែងកើតឡើងទៅតាម

ហេតុ តាមបច្ច័យរបស់វា យើងមិនអាច 

ឬមិនងាយទៅគ្រប់គ្រងហេតុបច្ច័យទាំងនោះបានទេ ។

 តែទោះជាយ៉ាងណាក៏ដោយយើងអាចបង្វែរដាន

 ឬបង្អង់ឬក៏បង្វែរទិស របស់ហេតុការណ៍

មួយចំនួនបានផងដែរ ។

រោគសញ្ញា អូមីក្រុង

រោគសញ្ញាខ្លះៗ នៃជំងឺកូវីដ-19 បំប្លែងថ្មី ប្រភេទអូមីក្រុង 

ងាយឆ្លង ប៉ុន្តែមិនធ្ងន់ធ្ងរ ។

 

 

រឿងតូចឬធំ គួរកុំរំលង

 

នៅពេលខ្លះ យើងព្រងើយកន្តើយជាមួយនឹងរឿងតិចតួច
 មើលរំលងនូវរឿងខ្លះ ដែលយើងគិតថាមិនសំខាន់
ព្រងើយកន្តើយ មិនយកចិត្តទុកដាក់នូវអ្វីដែលជារឿងតូចតាច ។

ជួនកាលយើងគិតថាវាជារឿងតិចតួច
មិនបានគិតថាអ្នកដទៃគិតថាវាជារឿងសំខាន់

រឿងដែលមានន័យសម្រាប់អ្នកគេ ។

អំពើល្អអ្នកដទៃ និងទង្វើមិនគប្បីរបស់អ្នកដទៃ

អរគុណគ្រប់យ៉ាង !!!

នៅពេលដែលមិត្តរបស់យើងទះយើងមួយកំភ្លៀង
នោះយើងគួរសរសេរចំណាំទុកនៅលើដីខ្សាច់ ។
ប៉ុន្តែបើមិត្តយើង ធ្វើល្អ ការពារផលប្រយោជន៍
ឬអ្វីផ្សេងៗដែលជាប្រយោជន៍ដល់យើងនោះយើង
គួរកត់ចំណាំនៅលើផ្ទាំងថ្មដា ដែលជាផ្ទាំងថ្មគ្មាន
ថ្ងៃនឹងបាត់បង់ទៅវិញនោះទេ ។

ការកត់ចំណាំ ការចងចាំនូវអ្វីដែលអ្នកដទៃ
ធ្វើមកលើយើងជាពិសេសរឿងដែលមិនល្អនោះ
គួរចងចាំតែក្នុងរយៈពេលខ្លីតែប៉ុណ្ណោះ
ដូចជាការសរសេរនៅលើខ្សាច់ ដែលវានឹង
បាត់រសាត់ទៅវិញតាមរលកទឹកសមុទ្រនោះឯង ។
 ម្យ៉ាងទៀតយើងគួរចងចាំទុកគ្រាន់ជាបទពិសោធន៍
ដែលជាមេរៀនសម្រាប់ជីវិតរបស់យើងតែប៉ុណ្ណោះ
មិនគួរចងចាំរហូតគ្រប់ពេលនោះទេ ។

អំពើល្អអ្នកដទៃដែលធ្វើមកលើយើងនោះ
យើងគួរចងចាំជានិច្ច គួរធ្វើល្អត្រឡប់ទៅវិញពេលឱកាស
មកដល់ ការចងចាំ ការកត់ទុកលើថ្មដើម្បីបង្ហាញ
ពីទឹកចិត្តមនុស្សជាតិយើង
ដែលធ្វើមកលើមនុស្សជាតិដូចគ្នា ។

បាងកកថ្ងៃទី 28/12/2021
មានសេវាបកប្រែភាសាខ្មែរ-ថៃ តាមមន្ទីរពេទ្យ នៅទីក្រុងបាងកក
 +66(0)94-625-9619 Line ID : 0946259619 Telegram : 66946259619