យើងធ្លាប់ស្គាល់ម៉ាស៊ីនអេកូផ្សេងៗមានដូចជាអេកូពោះ ពេលមានផ្ទៃពោះ
ឬអេកូពោះដើម្បីពិនិត្យរកភាពខុសប្រក្រតីផ្សេងៗ
ដូចជាគ្រូសនៅនឹងតម្រងនោមជាដើម ។
ប៉ុន្តែអេកូសាស្ត្រនោះអាចពិនិត្យរកជំងឺផ្សេងៗបានជាច្រើនទៀត
ក្នុងចំណោមនោះគឺអេកូដែលគេស្គាល់ថា Carotid
Duplex Ultrasounds ឬការពិនិត្យសរសៃឈាមត្រង់បរិវេណគល់ក ។
Carotid Duplex Ultrasounds គឺជាការពិនិត្យដោយអេកូ
សរសៃឈាមកទាំងសងខាងដែលធ្វើឡើងដោយគ្រូពេទ្យជំនាញ ដើម្បីមើលរកភាពខុសប្រក្រតី
នៃសរសៃឈាម ដូចជាការស្ទះសរសៃឈាម ជាដើម ។
ប្រសិនបើមានបញ្ហាស្ទះសរសៃឈាមនោះវានឹងបង្កឱ្យមាន
បញ្ហាខួរក្បាល ដោយសារតែឈាមទៅចិញ្ចឹមខួរក្បាល
មិនគ្រប់គ្រាន់ ធ្វើឱ្យប្រព័ន្ធខួរក្បាលមានបញ្ហា ។
ការស្ទះសរសៃឈាមនេះ អាចបណ្តាលមកពីជាតិកំបោរ ខ្លាញ់ ឬកំណកឈាមចេញពីបេះដូង
ដោយគ្រូពេទ្យពិនិត្យអេកូនេះនឹងជញ្ជាំងសរសៃឈាម ដើម្បីរកភាពខុសប្រក្រតីដែលជាការស្ទះ
ឬត្បៀតសរសៃឈាមនោះ ។
ប្រសិនបើយើងពិនិត្យទៅឃើញមានការស្ទះ ឬត្បៀតនៅនឹងសរសៃឈាមនោះ យើងអាចសន្និដ្ឋានបានថា នៅផ្នែកផ្សេងទៀតនៃសរសៃឈាមក៏អាចមានបញ្ហា ហើយអាចបង្កបញ្ហាដល់ខួរក្បាលផងដែរ ។ ការពិនិត្យដោយ Carotid Duplex Ultrasounds ជាវិធីដែលទទួលការពេញនិយម ដោយសារការពិនិត្យងាយស្រួល តម្លៃថោក អ្នកជំងឺអាចពិនិត្យសាំបាន ដោយមិនមានគ្រោះថ្នាក់អ្វីនោះឡើយ ។
 |
| សេវាបកប្រែភាសាខ្មែរ-ថៃ តាមមន្ទីរពេទ្យផ្សេងៗ នៅបាងកក |
សូមអរគុណពត៌មានមន្ទីរពេទ្យផ្យាថៃ ២
