ការរស់នៅជាមួយនិងមាយាការ ព្រមទាំងការកុហក

ការរស់នៅជាមួយនិងមាយាការ ព្រមទាំងការកុហក

មុនដំបូង ខ្ញុំចង់សួរថា តើការកុហកវាពិតជាអាក្រក់មែនទេ ?

ពិតមែនហើយ ការកុហកគឺជាអ្វីដែលមនុស្សម្នាក់ៗ ស្អប់ខ្ពើម មិនចង់ដឹង ចង់ឮ ។ ហើយថែមទាំងមានការខុសឆ្គង់ចំពោះសីលធម៌នៃគោលការណ៍

របស់សាសនាផងដែរ ។ ការកុហកឯណាមួយ ដែលបណ្តាលឱ្យអ្នកដ៏ទៃ

ខួចខាតនូវទ្រព្យសម្បត្តិ  កេត្តរិ៍ឈ្មោះ ជាដើមនោះ ការកុហកនោះពិតជា

ខុស មានកំហុស​និងទោសទៅតាមច្បាប់ បទបញ្ញត្តិ​នៃសាសនានីមួយៗ

ប្រាកដមែន ។ ក៏ប៉ុន្តែ ការកុហកណាមួយ​ដែល​គ្រាន់​តែ​ជាការ ដោះសារ ជៀសវាងនូវអ្វីដែលយើងមិនត្រូវការ ការជៀសវាងនូវ​ភាពខុស​ប្រក្រតី

ទាំងឡាយ ការកុហកនោះវាមិនខុសនិងច្បាប់របស់រដ្ឋឡើយ ។

 

ជិវិតរបស់មនុស្សម្នាក់ៗ តែងរស់នៅឆ្លងកាត់នូវបទពិសោធន៍ដ៏ល្វីងជួរចត់ ផ្អែមឆ្ងាញ់ សុខ ទុក្ខ ជារឿងធម្មតា ពុំមានអ្នកណាមួយគេចផុតពីរឿងទាំងនេះឡើយ ។ ​ទោះបីជាអ្នកនោះ ជា​​អ្នកមាន​ ឬអ្នកក្រ ស​ ខ្មៅ ល្ងង់ ខ្លៅ នោះឡើយ ។

 

ការរស់នៅរបស់មនុស្សម្នាក់ៗ តែងមានការតស៊ួដ៏លំបាក ហើយការទ​ទួលនូវជ័យជំនះ​របស់មនុស្សម្នាក់ វាទាមទារឱ្យយើងមានភាពអំណត់  

អត់ធន់ ព្យាយាម ជាច្រើន ។

ទាំងអស់នេះវាមិនមែនកើតឡើងចំពោះមនុស្សគ្រប់រូបនោះទេ មនុស្សតិច​ណាស់ដែលមាន​លក្ខណៈសម្បត្តិទាំងនេះ ។​ វាត្រូវការការហ្វឹកហាត់ ការហាត់ពត់ចិត្តគំនិតរបស់យើង ឱ្យមានភាពប្រសើរឡើងពីមួយថ្ងៃទៅ

មួយថ្ងៃ ។ ជីវិតមនុស្សជាច្រើនដែលរស់នៅ ក្នុងលោកសន្និវាសនេះ  

តែងរស់នៅក្នុងមាយា ការឆបោក ការលួច ការកុហកគ្រប់យ៉ាង

ទាំងអស់ ។ អ្វីដែលសំខាន់នោះគឺ តើយើងចាត់ការចំពោះរឿង ទាំងនោះបានដោយរបៀបណា ? មានវិធីអ្វីសម្រាប់ចាត់ការរឿង

ទាំងនោះ ?

ដំណោះស្រាយដែលមានប្រសិទ្ធភាពចំពោះបញ្ហា ឧបសគ្គទាំងនោះទាមទារឱ្យយើងមានភាពអំណត់ ការយោគយល់ ការអធ្យាស្រ័យ ចំពោះមិត្តមនុស្សរួមភពផែនដីជាមួយគ្នា ។ ពិតណាស់ ជួនកាលគេកុហកយើង ជួនកាលយើងកុហកគេ​ យើងតែងតែជួបប្រទះជាញឹកញាប់ក្នុងជីវិតប្រចាំថ្ងៃរបស់យើង ។ អ្វីដែលយើងគួរធ្វើឱ្យបាននោះគឺការនិយាយកុហកឱ្យបានតិចតួចបំផុត តាមដែលយើងអាចធ្វើទៅបាន ។ ដោយការពោលនូវពាក្យពិត ត្បិតវាមានភាពជួរចត់ប៉ុណ្ណាក៏ដោយ ។ នេះជាវិធីមួយដែលតែងតែមានប្រយោជន៍ចំពោះមនុស្សដែលរស់នៅ

ជុំវិញខ្លួនរបស់យើង ។ 

គន្លឹះងាយៗ ជួយបង្ការ ការសឹកឆ្អឹងជង្គង់

គន្លឹះងាយៗ ជួយបង្ការ ការសឹកឆ្អឹងជង្គង់ 

ឆ្អឹងជង្គង់ គឺជាផ្នែកមួយដែលប្រើការច្រើន បង្កឱ្យមានការសឹករិល
បានដោយងាយ ។​ជាទូទៅច្រើនតែជួបប្រទះមានឃើញជំងឺសឹក
ក្បាលជង្គង់ ហើយច្រើនតែកើតចំពោះមនុស្សដែលមានអាយុលើសពី 60 ឆ្នាំ
ឡើងទៅ ។ ប៉ុន្តែឥរិយាបថដែលបង្កឱ្យមានមានគ្រោះថ្នាក់
ដល់ក្បាលជង្គង់របស់យុវវ័យបច្ចុប្បន្ននោះ បានធ្វើឱ្យមានបញ្ហាសឹករិល
ជង្គង់កាន់តែលឿនឡើង ។ ដើម្បីបង្ការ ការសឹករិលមុនវ័យដែល
សមគួរនោះ យើងមានគន្លឹះងាយៗ ដូចខាងក្រោម ៖ 

ឥរិយាបថដែលបង្កឱ្យ “ឆ្អឹងជង្គង់សឹករិល”

....ដោយមិនចាំបាច់មានអាយុច្រើន 

- ចូលចិត្តអង្គុយបត់ជើងច្រើនជាង 90 ដឺក្រេ ដូចជា បត់ជើង
ពែនភ្នែន ឬអង្គុយច្រហោងជើង ឥរិយាបថអង្គុយទាំងនេះទំលាក់ទំងន់
ទៅជង្គង់កាន់តែច្រើនឡើង ។

- ចូលចិត្តលុតជង្គង់យូរ ដែលជាហេតុបង្កឱ្យជង្គង់ទទួល
ទម្ងន់កាន់តែច្រើនឡើងដែរ បង្កឱ្យមានការរលាកសរសៃ ហើយពេលដែលសង្កត់លើញឹកញាប់ធ្វើឱ្យមានឆ្អឹងដុះ បានដូចគ្នា ។

- ចូលចិត្តពាក់ស្បែកជើងកែងខ្ពស់ បង្កឱ្យមានការធ្លាក់ទម្ងន់ទៅ
នឹងជង្គង់ច្រើនជាងធម្មតា ។

- ចូលចិត្តដើរ ចុះ-ឡើងជណ្តើរញឹកញាប់ ទោះបីជាការដើរ

ចុះឡើងជណ្តើរញឹកញាប់ជួញបំផ្លាញ់ជាតិខ្លាញ់ រាល់ពេលដែលចុះ
ឡើង ជង្គង់យើងតែងទទួលផលប៉ះពាល់  ដែលត្រូវទទួលទំងន់ច្រើន
ជាងប្រក្រតីដល់ទៅ 3-4 ដង ។

- ទម្ងន់លើសជាងប្រក្រតី ដែលបណ្តាលមកពីធាត់ពេក បង្កឱ្យរាងកាយ
ទទួលទំងន់ខ្លួនធ្ងន់ជាងធម្មតាពេលដែលយើងដើរ ឬប្រើជើង មិនថា
ពេលដើរ ឈរ ឬឡើង-ចុះ ជណ្តើរនោះទេ ។

- កាន់របស់ ឬស្ពាយអីវ៉ាន់​ធ្ងន់ៗ តែងតែមានផលប៉ះពាល់ដល់ជង្គង់
រួមទាំងកដៃ ស្មា និងឆ្អឹងកងខ្នងផងដែរ​។

- ការរបួសដោយសារឧបទ្ទវហេតុ ឬការលេងកីឡា ដោយសារតែប្រើ
ជង្គង់ច្រើនហួសកំរិតពេក បង្កឱ្យមានហានិភ័យឆាប់មានរបួស ហើយពេលដែលឆ្អឹងជង្គង់ទទួលការរបួសនោះបង្ករឱ្យមានការសឹករិល
កាន់តែលឿនឡើង ។ 

គន្លឹះងាយៗ បង្ការការសឹកឆ្អឹងជង្គង់ 

- គ្រប់គ្រងទម្ងន់ មិនឱ្យលើសហួសពេក

- ជៀសវៀងឥរិយាបថការអង្គុយបត់
ជើងលើសពី 90 ដឺក្រេ ដូចជាការប្រើបន្ទប់ទឹក
បែបអង្គុយច្រហោង បញ្ឈរជង្គង់យូរពេក ។

- ដើរ ចុះ-ឡើងជណ្តើរតាមដែលចាំបាច់ មិនគួរដើរ
 ចុះ-ឡើងញឹកញាប់ពេក ។

- ជ្រើសរើសវិធីហាត់ប្រាណដែលជួយបង្ការការសឹកជង្គង់បាន
ដូចជា ការដើរ ជាដើម ។

- ត្រូវធ្វើលំហាត់ប្រាណសាច់ដុំជុំវិញក្បាលជង្គង់ឱ្យរឹងមាំជាប់ជានិច្ច ។

- ប្រសិនបើមានការរបួសឆ្អឹងជង្គង់ គួរប្រើឈើច្រត់ជួយ ដើម្បីជួយទប់ពេលដើរ ។

ប្រសិនបើមានអារម្មណ៍ថាមានសំឡេងនៅក្បាលជង្គង់ ឈឺជង្គង់ពេលធ្វើចលនា ....ឬបញ្ហាផ្សេងៗទាក់ទងនឹងជង្គង់ ឬសញ្ញាព្រមានផ្សេងៗដែលបង្ហាញពីបញ្ហាការសឹករឹកក្បាលជង្គង់នោះ សូមប្រញាប់ទៅពិគ្រោះយោបល់ជាមួយគ្រូពេទ្យឯកទេសផ្នែកឆ្អឹងនិង
សន្លាក់ ដើម្បីព្យាលបាលទាន់ពេលវេលា ។ សូមអរគុណ !!! 

សូមអរគុណមន្ទីរពេទ្យផ្យាថៃ 2