ការប្រឈមនឹងការពិតមានអ្វីគួរឱ្យខ្លាច ?

ការប្រឈមនឹងការពិតមានអ្វីគួរឱ្យខ្លាច ?

ការប្រឈមនឹងការពិតនោះវាគ្នានអ្វីគួរ​ឱ្យខ្លាចឡើយ ។ ផ្ទុយទៅវិញវាជាវិធីមួយដែលផ្តល់ឱ្យយើងមានភាពងាយស្រួល 

ក្នុងការវិនិច្ឆ័យ និងការដោះស្រាយបញ្ហាដែលកើតឡើង ។ 

ការទទួលដឹងការពិតនោះ វាពិតជារឿងមួយដែលមានការឈឺចាប់

ខ្លាំងមួយ ក៏ប៉ុន្តែដើម្បីការអភិវឌ្ឍខ្លួនឯងនោះ យើងត្រូវទទួលដឹងនូវចំណុចខ្វះខាតដែលគួរជៀសវាង យើងត្រូវពីចំណុចអវិជ្ជមានរបស់ខ្លួនឯង ដូច្នេះហើយ បើទោះបីជាការដឹងបែបនេះវាធ្វើឱ្យយើងឈឺចាប់យ៉ាងណាក៏ដោយ

ក៏យើងទទួលយកវា​ឱ្យបានដែរ ។ ប្រៀបបីដូចជាអ្នកជំងឺ ត្រូវទទួលស្គាល់ការពិតថាខ្លួនមានជំងឺអ្វី ក្រោយពេល

ដែលពេទ្យវិនិច្ឆ័យរួចហើយ បើសិនជាកើតជំងឺមហារីក

 ត្រូវទទួលស្គាល់ ទទួលដឹងថាកើតជំងឺអញ្ចឹងដើម្

បីរកវិធីព្យាបាលដែលត្រឹមត្រូវ សហការល្អជាមួយគ្រូពេទ្យ

ដែលធ្វើការព្យាបាល ទើបអាចព្យាបាលជំងឺយ៉ាងប្រសើរ ។ 

ផ្ទុយទៅវិញបើអ្នកកើតជំងឺមហារីក ឬជំងឺអ្វីផ្សេងទៀត 

តែមិនទទួលស្គាល់ការពិតនោះ អ្នកពិតជាមិនអាចព្យាបាល

បានឡើយ ហើយបណ្តោយទុកឱ្យហួសពេលដោយមិនបានព្យាបាល 

ដោយទាន់ពេលវេលា ។ ពិតជាសោកស្តាយជាមិនខាន ។

ទម្លាប់ ៧ យ៉ាងដើម្បីភាពជោគជ័យ

        ទម្លាប់ ៧ យ៉ាងដើម្បីភាពជោគជ័យ

   

ពាក្យទូន្មានជាច្រើន ដូចជា ត្រូវមានសាមគ្គីភាព មានវិន័យ ធ្វើការងារជាក្រុម រួមទាំងការគិតពីផលប្រយោជន៍រួមគ្នា ស្វែករកចំណេះដឹង បង្កើនបញ្ញាស្មារតី រកចំណេះវិជ្ជា អភិវឌ្ឍន៍ខ្លួនឯងជានិច្ច ។ ដំបូន្មានទាំងនេះសុទ្ធតែធ្លាប់បានដឹងបានលឺនៅតាមសាលា តាមសាកលវិទ្យាល័យខ្លះៗ ជាមិនខាននោះឡើយ ។ ពាក្យទូន្មានទាំងនេះ ក៏ប្រាកដខ្លូននៅ
ក្នុងសៀវភៅ The 7 Habits of Highly Effective People : Powerful Lessons in Personal
Change សរសេរដោយ  Stephen R. Covey ។ បើទោះបីជាសៀវភៅនេះបានពន្យល់ឱ្យ
យើងយល់ពីទស្សនៈ យល់ពីនិស្ស័យ របស់មនុស្សដែលធ្វើការមានប្រសិទ្ធភាពខ្ពស់ ក៏ដោយ ។ ក៏ប៉ុន្តែអ្វីដែលអ្នកនិពន្ធបានសរសេរនោះវាជាចំណេះដឹងដែលនាំឱ្យយើងទទួលបាននូវភាព
ជោគជ័យ ធ្វើឱ្យយើងមានសេចក្តីសុខ ក្នុងជីវិតបាន ។ 

លក្ខណៈនិស្ស័យទាំង ៧ យ៉ាងនៅក្នុងសៀវភៅ មានដូចជា ៖

     1.     Begin with the End in Mind

     2.     Put First Thing First

     3.     Think Win-Win

     4.     Seek First to Understand , Then to Be Understood

     5.     Synergize

     6.     Sharpen the Saw

1.     Be Proactive  

មនុស្សប្រភេទ Proactive គឺជាមនុស្សដែលធ្វើការជាលក្ខណៈវាយរុក ដែលមានលក្ខណៈ
និស្ស័យផ្ទុយទៅនឹងមនុស្សប្រភេទ Reactive ឬមនុស្សដែលមានលក្ខណៈឆ្លើយតបទៅនឹង
រឿងផ្សេងៗ ដោយមិនបានគិតដោយល្អ នៅពេលដែលធ្វើរួចហើយអាចកើតមានរឿងក្តៅក្រហាយ នៅពេលដែលមានផលប៉ះពាល់ ក៏បន្ទោសរឿងផ្សេងៗថា​នាំឱ្យខ្លួនត្រូវទទួលផលយ៉ាងនេះ ។

 ជីវិតយើង គឺយើងជាអ្នកកំណត់ មិនត្រូវឱ្យបរិស្ថានជុំវិញយើង មកធ្វើឱ្យយើងងាករេ  ត្រូវមានទំនុកចិត្តលើខ្លួនឯង ពិសេសត្រូវមានសតិក្នុងខ្លួន ចំពោះការសម្រេចចិត្តធ្វើអ្វីគ្រប់យ៉ាង ហើយត្រូវហ៊ានទទួលខុសត្រូវចំពោះលទ្ធផលដែលកើតឡើង ។

2. ចាប់ផ្តើមដោយមានគោលដៅច្បាស់លាស់  (Begin with the end in mind) 

គឺការដាក់ផែនការការងារ ឬសូម្បីតែជីវិតមនុស្សយើង ត្រូវតែមានផែនការ
ច្បាស់លាស់ថាយើង នឹងត្រូវធ្វើអ្វី ប្រសិនបើយើងតាំងចិត្តទុករួចហើយ
នៅទីបំផុត ការងារ ឬជីវិតយើងនឹងទៅជាយ៉ាងណា យើងនឹងធ្វើខ្លួនយើងឱ្យសមស្របទៅនឹងគោលដៅដែលយើងបានកំណត់ទុកនោះ ។
          នៅក្នុងសៀវភៅ “The Secret” ដែលជាសៀវភៅដ៏ល្បីមួយនោះបាននិយាយពីអាថ៍កំបាំង នៃភាពជោគជ័យថា “សូមឱ្យយើងនឹងភ្នក់ ស្រម័យដល់ភាពជោគជ័យរបស់យើង ដោយផ្ចុងគំនិតឱ្យ នឹកដល់រូបភាពនៃការទទួលបានភាពជោគជ័យឱ្យបានច្បាស់លាស់ និងធ្វើខ្លួនឯងឱ្យហាក់បីដូចជា យើងជោគជ័យហើយ ប្រើភាសាដែលនិយាយជាមួយខ្លួនឯងនៅក្នុងចិត្តជាវិជ្ជមាន ដូចជា “យើង
ជឿជាក់ យើងកាន់តែពូកែឡើង យើងជោគជ័យ” ជៀសវាងភាសាដែលជាអវិជ្ជមាន ដូចជា “ ថ្ងៃនេះសយដល់ហើយ ហេតុអីយើងយ៉ាប់យ៉ាងនេះ យើងមិនដូចគេទេ“ ។ ប្រសិនបើយើងធ្វើបានដូច្នេះហើយ រូបភាពនៃការទទួលបានភាពជោគជ័យ ដែលយើងស្រម័យ
ទុកនោះ នឹងកើតឡើងពិត ដែលជាអាថ៍កំបាំងមួយដែលតែងតែកើតឡើងនៅក្នុងពិភពលោកនេះ ។
មនុស្សយើងត្រូវមានគោលដៅច្បាស់លាស់ ថាយើងត្រូវការអ្វី ត្រូវបង្កើតរូបភាពនៃភាពជោគជ័យឱ្យបានច្បាស់ ព្យាយាមភ្នក់ចិត្ត គិតស្រម័យដល់ភាពជោគជ័យនោះថាមានរូបភាពបែបណា ហើយតាំងចិត្តធ្វើកិច្ចកម្មផ្សេងៗ ដើម្បីឈានទៅដល់គោលដៅដែលសំខាន់ដែលយើងតាំងចិត្តទុករួចហើយ ។

3. Put First Things First

 ការជ្រើសរើសធ្វើអ្វីដែលសំខាន់បំផុតមុន ជាធម្មតាមនុស្សយើងតែជួបប្រទះរឿងផ្សេងៗ ៤ បែបគឺ
៣.១ រឿង “សំខាន់” និង “បន្ទាន់”
៣.២ រឿង “សំខាន់” ប៉ុន្តែ “មិនបន្ទាន់”
៣.៣ រឿង “មិនសំខាន់” តែ “បន្ទាន់”
៣.៤ រឿង “មិនសំខាន់ និង “មិនបន្ទាន់”
តាមធម្មតាយើងនឹងជ្រើសរើសធ្វើអ្វីដែលជាបញ្ហាសំខាន់ និងបន្ទាន់តាមចំណុច ៣.១ ។ ប៉ុន្តែនឹងធ្វើឱ្យយើងហត់នឿយខ្លាំង ព្រោះថាជាបញ្ហាបន្ទាន់ ដែលត្រូវមានការកែប្រែជានិច្ច ។ ហេតុនេះ
ហើយ យើងត្រូវស្វែងរកពេលវេលាមកចាត់ការបញ្ហាចំណុចទី ៣.២ គឺបញ្ហាដែលសំខាន់ ប៉ុន្តែមិនបន្ទាន់” ដែលបញ្ហាមានដូចជា ការដាក់ផែនការ ការស្វែងរកឱកាសថ្មីៗ ការបង្កាបញ្ហាកើតឡើងផ្សេងៗ ប្រសិនបើយើងធ្វើចំណុចនេះបានល្អនោះ រឿងបន្ទាន់ផ្សេងៗ ក៏នឹងថយចុះផងដែរ ។
          មនុស្សយើងម្នាក់ៗតែងមានបញ្ហាដែលត្រូវធ្វើជាច្រើន ប៉ុន្តែមនុស្សដែលមានប្រសិទ្ធភាព នោះពួកគេតែងមានការដាក់ផែនការដ៏ល្អ ត្រូវដឹងត្រូវស្គាល់ថាបញ្ហាណាសំខាន់ បញ្ហាណាដែលមិន
សំខាន់ ហើយជ្រើសរើសធ្វើតែរឿងណាដែលគួរ ។ ដូច្នេះហើយធ្វើឱ្យជីវិតកាន់តែងាយស្រួលឡើង មានប្រសិទ្ធភាពកាន់តែល្អឡើង ប្រសើរជាងអ្នកដែល “រវល់” រហូតគ្មានថ្ងៃស្វាងនោះដែរ ។

4. Think Win / Win

        គឺជាវិធីគិតអំពីបញ្ហាការងារ ឬការប្រើជីវិតការរស់នៅជាមួយអ្នកដទៃ ដែលត្រូវតែមានវិធីគិតដែលឈ្មះទាំងគូ ។ យើងមិនត្រូវគិតថាយើងត្រូវតែឈ្នះ ហើយ
អ្នកដទៃត្រូវតែចាញ់ គឺយើងបាន អ្នកដទៃបាត់បង់ ឬយើងបាត់បង់ អ្នកដទៃបាន ។
វិធីគិតបែបឈ្នះៗ គឺជាវិធីសាស្ត្រគិតដែលស្វែងរកផលប្រយោជន៍រួមគ្នា ការសហការគ្នា មិនមែនការប្រកួតប្រជែងដណ្តើមគ្នាឈ្នះចាញ់នោះទេ ។ អ្នកដែលមានគំនិតបែប Win Win នេះត្រូវមានគុណសម្បត្តិដែលស្មោះត្រង់ចំពោះខ្លួនឯង និងអ្នកដទៃ មានចិត្តទូលាយ និងមានចិត្តមេត្តាដល់អ្នកដទៃ ។
       ការដែលយើងឈ្នះបាននោះមិនចាំបាច់ត្រូវឱ្យអ្នកដទៃចាញ់នោះឡើយ គឺយើងត្រូវឈ្នះទៅព្រមៗគ្នា ។
 

5. Seek First to Understand, Then to Be Understood

គឺមុននឹងឱ្យអ្នកដទៃយល់ពីយើងនោះ យើងត្រូវស្វែងយល់ពីអ្នកដទៃជាមុនសិន ហើយអ្វីដែលសំខាន់ជាងគេនោះគឺ “ការស្តាប់” ។ ដោយទូទៅមនុស្សយើងចូលចិត្ត និយាយច្រើន
ជាងស្តាប់ ហើយជួនកាលយើងស្តាប់ក៏ប៉ុន្តែមិនបានស្តាប់ដោយការតាំងចិត្តនោះឡើយ
ដោយគ្រាន់តែស្តាប់ ដើម្បីដល់ពេលនិយាយតែប៉ុណ្ណោះ ។ ដូច្នោះហើយ អ្វីដែលធ្វើឱ្យយើងស្វែងយល់ពីអ្នកដទៃបានល្អនោះគឺយើងត្រូវ “ស្តាប់” ដើម្បីស្វែងយល់ មិនដែលស្តាប់ដើម្បីនិយាយឆ្លើយឆ្លង ឬស្តាប់ដើម្បីនិយាយនោះឡើយ ។
ជាធម្មតាមនុស្សយើងតែយកខ្លួនឯងជាធំ ចង់ឱ្យអ្នកដទៃយល់ពីយើង ស្តាប់យើង ប៉ុន្តែអ្នកដែលមន្តស្នេហ៍ពិតប្រាកដនោះ គឺស្វែងយល់ពីអ្នកដទៃឱ្យបានច្រើន ស្តាប់អ្នកដទៃ ដើម្បីស្វែងយល់ពីគេឱ្យជាក់ច្បាស់ ពិតប្រាកដ ។
 

6. Synergize

មនុស្សយើងមិនដូចគ្នាឡើង មានភាពឆ្លាតវៃផ្សេងៗគ្នា យើងត្រូវ
ទទួលស្គាល់រឿងនេះ ហើយត្រូវរួមដៃជាមួយអ្នកដទៃដើម្បីឱ្យកើត
ប្រយោជន៍ខ្ពស់បំផុត ។
យើងត្រូវទទួលស្គាល់ធម្មជាតិរបស់មនុស្សម្នាក់ៗថាវាមិនដូចគ្នា ត្រូវយកជំនាញដែលខុសគ្នាមកផ្សំគ្នាឱ្យកើតប្រយោជន៍ខ្ពស់បំផុត ។
 

7. Sharpen the Saw

មនុស្សយើងត្រូវការអភិវឌ្ឍន៍ជាប្រចាំ ប្រៀបប្រដូចជាមនុស្សកាត់ដើមឈើ ពេលមានអ្នកសួរថា
កំពុងធ្វើអ្វី ក៏ឆ្លើយថា កំពុងកាត់ដើមឈើ អ្នកសួរក៏សួរតថា មានសំលៀងពូថៅមកខ្លះទេ បែជាឆ្លើយថា ខ្ញុំប្រញាប់កាត់ដើមឈើរាល់ថ្ងៃហាត់ជិតងាប់ហើយ មានពេលឯណាមកសំលៀងពូថៅនោះ ។ យ៉ាងណាម៉ិញ មនុស្សយើងដែលធ្វើការធ្ងន់រាល់ថ្ងៃ ត្រូវតែឆ្លៀងពេលដុះខាត់ចិត្តគំនិត ស្វែងរក
ចំណេះដឹង បន្ថែម ដើម្បីអភិវឌ្ឍន៍ខ្លួនឯកឱ្យកាន់តែប្រសើរឡើង ហើយធ្វើការកាន់តែងាយស្រួលឡើង ។
 
ការអភិវឌ្ឍខ្លួនយើងទៅផ្នែកផ្សេងៗ ដូចជា ៖
ផ្នែករាងកាយ ៖ ត្រូវសម្រាកឱ្យបានគ្រប់គ្រាន់ សមស្រប
ផ្នែកបញ្ញាស្មារតី ៖  ត្រូវដុះខាត់ជាប្រចាំ ដោយការអានសៀវភៅ ការស្វែងរកបទពិសោធន៍ថ្មីៗក្នុងជីវិត
ផ្នែកចិត្តគំនិត ៖   ការរស់នៅជាមួយធម្មជាតិ ការរំលឹកពីគោលដៅនៃជីវិត
ផ្នែកសង្គម ៖ ការរស់នៅប្រកបដោយសតិបញ្ញាការចូលរួមក្នុងការលើកកំពស់
សង្គមមនុស្សឱ្យប្រសើរឡើងជាដើម ។
 
          នេះជាការសង្ខែបអត្ថន័យខ្លីៗ នៃសៀវភៅ The 7 Habits of Highly Effective People ដើម្បីជាចំណេះដឹងបន្ថែមគួរអានបន្ថែម ។

ស្ត្រូកកម្តៅ ពេជ្ឈឃាតក្នុងរដូវក្តៅ

ស្ត្រូកកម្តៅ ពេជ្ឈឃាតក្នុងរដូវក្តៅ

ពិភពលោកផ្លាស់ប្តូរជាខ្លាំង ធ្វើឱ្យអាកាសធាតុកាន់តែក្តៅឡើងៗជារៀងរាល់ឆ្នាំ ជាពិសេសប្រទេសកម្ពុជាដែលជាប្រទេសក្នុងតំបន់ក្តៅហើយនោះ កាន់តែធ្វើឱ្យមាន អាកាសធាតុក្តៅទ្វេឡើង បង្កឱ្យប្រជាជនកើតជំងឺជាច្រើនប្រភេទ ហើយជំងឺដែលជួបប្រទះនៅរដូវក្តៅនោះគឺ “ស្រ្តូកកម្តៅ” ឬ Heat Stroke ។
ស្រ្តូកកម្តៅ បើវាធ្ងន់ធ្ងរនោះ នឹងបង្កឱ្យមានការបាត់បង់ជីវិតផងដែរ ។ 

 មូលហេតុ

ជំងឺ ស្រ្តូកកម្តៅ កើតឡើងដោយសារតែរាងកាយមិនអាចផ្លាសប្តូរទៅនឹងកម្តៅដែល
កើតឡើង ។ តាមធម្មតារាងកាយមានប្រព័ន្ធការផ្លាស់ប្តូរតុល្យភាពកម្តៅ ពេល សីតុណ្ហភាពរាងកាយខ្លាំងឡើង នឹងមានវិធីបញ្ចេញកម្តៅចេញពីរាងកាយយ៉ាងមាន ប្រសិទ្ធភាព ដោយក្រពេញខួរក្បាល hypothalamus ផ្នែកខាងមុខ ។ ប្រសិនបើបាត់បង់តុល្យភាពនេះ និងបង្កើតឱ្យមានការឈឺចាប់ឡើង​។

 ប្រភេទនៃស្ត្រូកកម្តៅ

        ១. ស្ត្រូកកម្តៅកើតចេញពីការហាត់ប្រាណ (Exertional Heat Stroke : EHS)  ច្រើនតែជួបប្រទះចំពោះអ្នកដែលមានរាងកាយរឹងមាំ ដូចជាយុវវ័យ អ្នកកីឡា ឬអ្នកដែលហាត់ប្រាណហួសកំរិត រួមទាំងសីតុណ្ហភាពខាងក្រៅក្តៅខ្លាំង​។

        ២. ស្ត្រូកកម្តៅទូទៅ (Non-exertional Heat Stroke: NEHS) ច្រើនតែជួបប្រទះជាមួយអ្នកដែលមានអាយុច្រើន មានជំងឺប្រចាំខ្លួន អ្នកដែលទទួលទានថ្នាំប្រចាំ អ្នកដែលមានជំងឺទឹកនោមផ្អែម លើសឈាម អ្នកជំងឺកុមារដែលមិនអាចជួយខ្លួន​ឯងបាន ។

 

 រោគសញ្ញា

រោគសញ្ញាបង្ហាសំខាន់ មានដូចជា ក្តៅខ្លួនខ្លាំង សីតុណ្ហភាពក្នុងរាងកាយ
លើសពី ៤១ អង្សា ឡើងទៅ សម្រាប់ប្រភេទ EHS  ច្រើនតែមានចេញញើស
និងប្រភេទ NEHS មិនមានចេញញើសនោះទេ ។ អ្នកដែលមានប្រវត្តិធ្វើកិច្ចកម្ម ឬហាត់ប្រាណក្នុងពេលដែលមានអាកាសធាតុក្តៅខ្លាំង ។ សម្ពាធឈាមធ្លាក់ចុះ មុខងារអវយវៈផ្សេងៗធ្លាក់ចុះ វង្វេង ប្រកាច់ បាត់បង់ស្មារតី ។

ប្រព័ន្ធការធ្វើការរបស់រាងកាយក្រោយពីទទួលកម្តៅខ្លាំង មានការផ្លាសប្តូរ
ដោយបញ្ចួនទឹក ឬឈាមទៅចិញ្ចឹមអវយវៈផ្សេងៗ ដូចជា ខួរក្បាល ថ្លើម
និងសាច់ដុំជាដើម បណ្តាលឱ្យស្បែកខ្វះឈាម និងទឹកទៅចិញ្ចឹម
ទើបមិនអាច បញ្ចេញកម្តៅចេញពីរាងកាយបាន ។  

ការសង្គ្រោះបឋម

 យកអ្នកជំងឺដែលមានរោគសញ្ញាបែបនេះទៅកន្លែងដែលត្រជាក់ លើកជើងខ្ពស់ ដើម្បីឱ្យឈាមដើរបានល្អ ដោះសម្លៀកបំពាក់ ប្រើទឹកត្រជាក់ស្អំត្រង់បរិវេណក មុខ ភ្លៅជាដើម និងប្រើកង្ហារបក់ដើម្បីបញ្ចេញកំដៅ ប្រើទឹកត្រជាក់ជួតខ្លួន ដើម្បីបំបាត់សីតុណ្ហភាពក្នុងរាងកាយឱ្យលឿនបំផុត និងប្រញាប់នាំទៅកាន់មន្ទីរពេទ្យ ។ 

វិធីការពារ 

-​​     ទទួលទានទឹកឱ្យគ្រប់គ្រាន់  ២ លីត្រក្នុងមួយថ្ងៃ

-     ជៀសវាងអាកាសធាតុក្តៅខ្លាំង

-     មិនគួរហាត់ប្រាណហួសកំរិតនិងមិនគួរហាត់ប្រាណ

      ពេលអាកាសធាតុក្តៅខ្លាំង ។

-     ពាក់អាវដែលអាចបញ្ចេញកម្តៅបានល្អ និងសមស្របទៅ

      តាមអាកាសធាតុ

-     ប្រសិនបើចាំបាច់ធ្វើការកន្លែងដែលមានកម្តៅខ្លាំង គួរពាក់មួក

      ការពារកម្តៅ ឬត្រៀមខ្លួនដើម្បីឱ្យរាងកាយស៊ាំទៅនឹងអាកាសធាតុ ។

 

     

  

សូមអរគុណ ពត៌មានមន្ទីរពេទ្យផ្យាថៃ ២

ការប្រឈមនឹងបញ្ហាពិបាក

អ្នកត្រូវហ៊ានប្រឈមនឹងបញ្ហាដែលសំខាន់ ការងារដែលលំបាកធ្វើ កិច្ចការដែលអ្នកដទៃគិតថាមិនអាចទៅរួច ដើម្បីភាពខ្លាំងរបស់អ្នកនៅពេលអនាគត ។ ពិតណាស់អ្នកប្រដាល់ មុននឹងឈានទៅដល់កម្រិតការទទួលពាន់ជើងឯកបាននោះ ត្រូវឆ្លងកាត់ ការហាត់យ៉ាងច្រើន ធ្លាប់ចាញ់ច្រើនដង ហើយជាពិសេសនោះគឺការរងកណ្តាប់ដៃដ៏ខ្លាំងពីគូប្រកួត ។ ប្រសិនបើយើងមិនអាចទ្រាំទ្របាននូវសម្ពាធដ៏ខ្លាំង សម្ពាធការងារ សម្ពាធគ្រូសារ ឬសម្ពាធអ្វីផ្សេងៗទៀតដែលចូលមកក្នុងជីវិតរបស់យើង នោះ សួរថាតើយើងនឹងមានថ្ងៃដែលទទួលបានជើងឯកដែរឬទេ ? 

លោកនេះអាក្រក់ក៏ថាបាន ល្អក៏ថាបាន វាអាស្រ័យទៅលើទស្សនៈរបស់យើងជាអ្នកមើល ។ ប៉ុន្តែអ្វីដែលសំខាន់ នោះ​គឺថា យើងត្រូវមើលឱ្យឃើញនូវទិដ្ឋភាពជារួម មិនមែនមើល តែមួយជ្រុងនោះឡើយ ។ ពីព្រោះអ្វីៗគ្រប់យ៉ាងតែងមានហេតុនិងផល របស់វា ។ យើងត្រូវហ្វឹកហាត់ចិត្តគំនិត ការត្រិះរិះ ការពិចារណា ការប្រើ ហេតុផល ដែលសមគួរ ដែលសមស្របទៅនឹងហេតុផល ។ 

ទាំងនេះ គឺដើម្បីសម្រេចបាននូវភាពជោគជ័យ ភាពមានសុភមង្គលក្នុងការប្រើជីវិតប្រចាំថ្ងៃរបស់យើង​ ។

ការប្រតិបត្តិខ្លួនមុននិងក្រោយការជោះឈាម

ការប្រតិបត្តិខ្លួនមុននិងក្រោយការជោះឈាម

សម្រាប់អស់លោកអ្នកដែលមានគម្រោងទៅពិនិត្យសុខភាពប្រចាំឆ្នាំ ឬពិនិត្យសុខភាពមុនចូលធ្វើការ ឬពិនិត្យសុខភាពមុននឹងចេញដំណើរ
ទៅក្រៅប្រទេសនោះ ជួនកាលយើងមិនដឹងថាវិធីត្រៀមខ្លួនមុនជោះឈាម
នោះត្រូវធ្វើអ្វីខ្លះ ហើយក្រោយជោះឈាមនោះត្រូវធ្វើយ៉ាងណានោះទេ ដោយសារតែយើងមិនបានទៅមន្ទីរពេទ្យ ញឹកញាប់
និងមិនដែលដឹងពីបញ្ហានេះ​ ។ 

ដូច្នេះថ្ងៃនេះ យើងខ្ញុំបានដកស្រង់ចំណុចសំខាន់ៗខ្លះមកជម្រាបជួនលោកអ្នក នូវវិធីអនុវត្តិមុននិងក្រោយពេលជោះឈាម ៖

១. គួរសម្រាកឱ្យបានគ្រប់គ្រាន់ ។ 

២. ការតមអាហារនិងទឹកមុនជោះឈាម (អាចទទួលទានទឹកសុទ្ធបាន) ។ 

២.១ ការពិនិត្យរកកម្រិតជាតិស្ករក្នុងឈាម គួរតមអាហារនិងទឹកមុនជោះឈាម ៨ ម៉ោង(អាចទទួលទានទឹកសុទ្ធបាន) ។

២.២ ការពិនិត្យរកកម្រិតជាតិខ្លាញ់ក្នុងឈាម គួរតមអាហារនិងទឹកមុនជោះឈាមយ៉ាងតិច ១២ ម៉ោង (អាចទទួលទានទឹកសុទ្ធបាន) ។

៣. ក្រោយជោះឈាម គួរសង្កត់មុខរបួសកន្លែងជោះឈាមប្រហែល ៥-១០ នាទី ពេលឈាមបាត់ហូរហើយទើបទាញ់សំឡីដែលបិទចេញ ។ 

៤. ប្រសិនបើមានអាការៈវិលមុខ ធីងធោង គួរជម្រាប់ដល់បុគ្គលិកពេទ្យឱ្យបានដឹង និងគួរអង្គុយសម្រាកបន្តិច មិនគួរក្រោកឡើងភ្លាមៗ នោះទេ ។ 

៥. ប្រសិនបើមានអាការៈជាំខ្លាំង ត្រង់បរិវេណជោះឈាម គួរប្រើក្រណាត់ត្រជាក់ជួតស្អំ នៅថ្ងៃដំបូង ដើម្បីបន្ថយអាការៈជាំ និងប្រើក្រណាត់ជ្រលក់ទឹកក្តៅឧណ្ហៗនៅថ្ងៃបន្ទាប់មក ដើម្បី​ឱ្យជាសះស្បើយពីអាការៈជាំខៀវកាន់តែលឿនឡើង ។  

សូមអរគុណ

ស្នាមញញឹមបង្កើតនូវសេចក្តីសុខ

ស្នាមញញឹមបង្កើតនូវក្តីសុខសម្រាប់អ្នក

  តើក្តីសុខរបស់អ្នកមានរស់ជាតិដូចម្តេច?

សម្លឆ្ងាញ់ទាមទារឱ្យចុងភៅអ្នកផ្សំគ្រឿងដែលមានទេពកោសល្យ មានជំនាញក្នុងការស្លយ៉ាងពិតប្រាកដ ។ យ៉ាងណាម៉ិញ មនុស្សយើងម្នាក់ៗ តែងប្រាថ្នានូវក្តីសុខ ដែលប្រកបទៅដោយក្តីសុខខាងផ្លូវកាយ 

និងក្តីសុខខាងផ្លូវចិត្ត ។ ដើម្បីឱ្យមានក្តីសុខនោះ គឺទាមទារ
ឱ្យអ្នកធ្វើរឿងល្អៗ ជាច្រើន ថែរក្សា ការសន្យា នឹងការព្យាយាមយល់ចិត្ត បំពេញបំណងឱ្យគ្នាទៅវិញទៅមក ។ 

គួររំលឹកផងដែរថា​ សម្លឆ្ងាញ់នៅថ្ងៃនេះក៏មិនប្រាកដថាឆ្ងាញ់នៅក្រោយដែរ បើទោះបីជាចុងភៅអ្នកស្លដដែលក៏ដោយ យ៉ាងណាម៉ិញក្តីសុខរបស់មនុស្សយើង

ក៏មិនស្ថិតស្ថេរអមតៈ​ ជារៀងរហូតនោះទេ បើយើងមិនបានហ្វឹកហាត់

ពត់ចិត្តយើងនោះទេ ក្តីសុខនោះ និងបាត់រសាត់អណ្តែងបន្តិចម្តងៗ

ទៅរហូតអស់តែម្តង ។ ប្រការនេះហើយបានជាយើងគួរត្រូវព្យាយាម

ផ្សំគ្រឿងឱ្យបានឆ្ងាញ់ ព្រោះជីវិតមនុស្សម្នាក់មានគ្រប់រស់ជាតិទាំងអស់មិនថា 

ប្រៃ ល្វីង ជួរចត់នោះទេ ។ អ្វីដែលសំខាន់នោះគឺ តែងតែមានការផ្លាស់ប្តូរ ពុំមានជីវិតណាមួយប្រកបដោយភាពផ្អែមល្អែមគ្រប់ពេលនោះទេ ។

តាមទស្សនៈរបស់ព្រះពុទ្ធសាសនាមនុស្សធម្មតាអាចទទួលបាន
នូវក្តីសុខបានដោយកត្តា ៤ យ៉ាងគឺ ៖

១. សុខព្រោះប្រាសចាកជំងឺ សេចក្តីសុខឯណាស្មើរនឹងការមិនមានជំងឺ
មិនមានឡើយ ។ 

២. សុខព្រោះមិនជំពាក់បំណុល  ការជំពាក់បំណុលគេធ្វើយើងដេកមិនលក់
បកមិនល្ហើយឡើយ ក្នុងចិត្តពោរពេញដោយក្តីអន្ទះសារត្រូវការរកទ្រព្យ
សម្បត្តិទៅសងគេវិញ ។ 

៣. សុខព្រោះសោយសុខលើគំនរទ្រព្យសម្បត្តិ ជាការពិតណាស់មនុស្សយើង
កាលណាមានទ្រព្យសម្បត្តិបរិបូរណ៍ហើយនោះ ប៉ុន្តែគួរប្រើប្រាស់ទ្រព្យសម្បត្តិ​
នោះក្នុងផ្លូវដែលត្រូវ ដែលជាហេតុមិនបង្កបញ្ហាមកដល់ខ្លួន ។ 

៤.​ សុខព្រោះបានជួបជុំវង្សត្រកូល ពិតប្រាកដណាស់ញាត់មិត្ត បងប្អូន

ដែលបែកគ្នាយូរលុះពេលជួបគ្នាម្តងៗតែងទទួលបាននូវក្តីសុខជាអនេក។ 

ហើយតែងប្រាថ្នារស់នៅជួបជុំជាមួយញាតិមិត្តបងប្អូនជានិច្ចនិរន្ត ។ 

        សរុបមកវិញសេចក្តីសុខរបស់យើងកើតចេញពីផ្លូវចិត្ត ហេតុដូច្នេះហើយ

គួរសិក្សាទូន្មានចិត្តយើងកុំឱ្យបណ្តែតបណ្តោយទៅតាមសម្ភារៈវត្ថុខាងក្រៅ្ ។

ពោលគឺមិនគួរបណ្តោយចិត្តទៅតាមលោភ យស សរសើរ និន្ទា 

សុខទុក្ខ ជាដើមដែលជាលោកធម៌នោះទេ ។

គន្លឹះខ្លីៗ ក្នុងការប្រើជីវិត ឱ្យឃ្លាតឆ្ងាយពីមហារីកពោះវៀន

រឿងញ៉ាំជារឿងធំ(រឿងអត់ញ៉ាំក៏ជារឿងធំ ....) ខួបកំណើតក៏ញ៉ាំ ជួបលៀងក៏
ស្រវឹង  ស្ត្រេសក៏ស្រវឹង មិនស្ត្រេសក៏ឆ្អែត ប៉ុន្តែតើយើងដឹងទេថា

ទម្លាប់ការទទួលទានរបស់យើង ការប្រើជីវិតរបស់យើង មានច្រើនយ៉ាងដែល

អាចជាបញ្ហាគ្រោះថ្នាក់ នឹងងាយកើតជំងឺមហារីកពោះវៀនធំ ឆ្លៀងឱកាសនេះ

ផងដែរ តោះយើងមកស្វែងយល់ពីវិធីការទទួលដែលមានសុវត្ថិភាព ឃ្លាតឆ្ងាញពីមហារីកពោះវៀនធំ ។ 

ស្វែងយល់ពីមហារីកពោះវៀនធំ 

រោគសញ្ញានៃមហារីកពោះវៀនធំ ក្នុងរយៈដំបូងច្រើនតែមិនសូវបង្ហាញ

ពីរោគសញ្ញាឱ្យយើងសង្កេតឃើញនោះទេ ។ ប្រសិនបើមានរោគសញ្ញា

បង្ហាញចេញមកពេលណានោះ មានន័យថាកម្រិតនៃមហារីកពោះវៀនច្រើន

តែធ្ងន់ធ្ងរហើយ ។ ហើយរោគសញ្ញាដែលបង្ហាញមានដូចជា ធុញអាហារ 

ឆ្អល់ពោះ បន្ទោរបង់ខុសប្រក្រតី លាមកលាយឈាម ពិបាកបត់ជើង 

ស្រកទម្ងន់ ដោយមិនដឹងពីមូលហេតុ ។ ប្រសិនបើមិនមានរោគសញ្ញាបែបនេះ ហើយស្រាប់តែស្ងាត់សង្កេតឃើញមានបញ្ហាទាំងនេះ ជាប់គ្នាប្រហែលជា 

២ សប្តាហ៍ ឡើងទៅនោះគួរប្រញាប់ទៅជួបជាមួយគ្រូពេទ្យ​ឯកទេស ។ 

វិធីការទទួលទាន និងប្រើជីវិតដែលមានសុវត្ថិភាព 

អាហារដែលទទួលទាន ៖ ផ្តោតទៅលើការញ៉ាំបន្លែ និងអាហារដែលមានកាក

ខ្ពស់ និងគ្រាប់ធញ្ញជាតិផ្សេងៗ ដែលសម្រួលដល់ការបន្ទោបង់លាមក

កាន់តែងាយស្រួលឡើង បង្កាការទល់លាក កាត់បន្ថយការញ៉ាំអាហារ

ប្រភេទសាច់ក្រហម ដូចជាសាច់ជ្រូក សាច់គោ ពពែ ចៀម ជាដើម ដោយផ្តោតសំខាន់មកញ៉ាំត្រីជំនួសវិញ មិនត្រឹមតែធ្វើឱ្យមានសុវត្ថិភាព

ហើយនៅកាត់បន្ថយខ្លាញ់ថែមទៀត ។

ការហាត់ប្រាណ- ជាអ្វីដែលគួរធ្វើជាប្រចាំ ដោយសារតែមានការពិសោធន៍

ច្បាស់លាស់ថាការហាត់ប្រាណជួយបន្ថយឱកាសការកើតជំងឺ

មហារីកពោះវៀនធំបាន ដោយការហាត់ប្រាណបែបអែរូប៊ិគ យ៉ាងសមស្រប 

ម្តងប្រហែលជា 45 នាទី យ៉ាងហើយណាស់ មួយសប្តាហ៍ 3 ដង ។

ការពិនិត្យ- ប្រសិនបើធ្លាប់មានសមាជិកក្រុមគ្រូសារមានកើតជំងឺនេះ ក៏គង់ត្រូវមកពិនិត្យតាមដានជាប្រចាំ ការមើលថែខ្លួនឯង ការស៊ុងក្រពះ

ពោះវៀន ដែលបច្ចុប្បន្នមានបច្ចេកទេសថ្មីៗ ងាយស្រួលធ្វើ​ហើយអាច

វិនិច្ឆ័យបានដល់ទៅ 90 ភាគរយ ។ ហើយការកើតដុំសាច់នោះប្រើពេលយូរ 

10-15 ឆ្នាំ ទំរាំតែក្លាយមកជាមហារីកបាន ប្រសិនបើពិនិត្យ ឆ្លុះឬសុងពោះវៀនទៅហើយមិនឃើញនោះ អាចមកតាមដាន 5-7 ឆ្នាំក្រោយទៀតចាំមកពិនិត្យសារឡើងវិញ ប៉ុន្តែក្នុងកំឡុងពេល 5-7 ឆ្នាំនេះត្រូវមិនមានរោគសញ្ញាអ្វីខុសប្រក្រតី  ។ 

គ្រានតែញ៉ាំឱ្យត្រូវតាមក្បួលអនាម័យ និងសមស្រប ព្រមទាំងធ្វើការហាត់ប្រាណ

ឱ្យបានទៀងទាត់ ព្រមទាំងមកពិគ្រោះ មកពិនិត្យជំងឺជាទៀងទាត់នោះអស់លោក
អ្នកនឹងឃ្លាតឆ្ងាយពីជំងឺមហារីកពោះវៀនធំហើយបាទ ។ 

សូមអរគុណ ប្រភពមន្ទីរពេទ្យផ្យាថៃ ២