ជំងឺចុះខ្សោយបាតភ្នែករបស់មនុស្សជរា

ជំងឺចុះខ្សោយបាតភ្នែករបស់មនុស្សជរា
Age-related Macular Degeneration : AMD

អ្នកដែលមានអាយុលើសពី ៤០ ឆ្នាំគួរទៅត្រួតពិនិត្យយ៉ាងទៀងទាត់ យ៉ាងហោចណាស់ ១ ឆ្នាំម្តង ពីព្រោះថាអ្នកដែលមានវ័យចំណាស់ទោះជាគ្មានជំងឺប្រចាំខ្លួនណាមួយក៏ដោយ ក៏មានឱកាសកើតជំងឺ “ចុះខ្សោយបាតភ្នែករបស់មនុស្សជរា” បានដែរ ។

ជំងឺខ្សោយឬស្វិតស្រទាប់បាតភ្នែក គឺជាជំងឺដែលកើតចេញពីភាពខុសប្រក្រតីនៅបរិវេណចំណុច
កណ្តា​លការទទួលរូបភាពនៃបាតភ្នែក បណ្តាលឱ្យបាត់បង់គំហើញត្រង់រូបភាព

កណ្តាល ដោយរូបភាពខាងៗនៅអាចមើលឃើញ ជួបប្រទះច្រើនចំពោះមនុស្សដែលមានអាយុលើស

ពី ៦៥ ឆ្នាំ ។ ជំងឺនេះគឺជាជំងឺដែលមិនអាចព្យាបាលឱ្យជាសះស្បើយបាន បណ្តាលឱ្យគំហើញបាត់បង់បន្តិចម្តងៗ អាចធ្វើឱ្យភ្នែកខ្វាក់បានយ៉ាងលឿនក្នុងកំឡុងពេល ២ ឆ្នាំ ។ ប្រសិនបើមិនបានព្យាបាល ហើយបើឃើញថាជំងឺនេះកើតឡើងនៅក្នុងភ្នែកខាងណាមួយហើយ នឹងមានឱកាសប្រឈមខ្ពស់ជាង ៤០ % ដែលនឹងកើតឡើងចំពោះភ្នែកម្ខាងទៀត ក្នុងកំឡុងពេល ៥ ឆ្នាំ ក្រោយពីធ្លាប់កើតក្នុងភ្នែកម្ខាងដំបូងហើយនោះ ។

មូលហេតុនៃជំងឺខ្សោយបាតភ្នែក

កត្តាប្រឈមនៃការកើតជំងឺខ្សោយបាតភ្នែក មានដូចខាងក្រោម ៖

១. អាយុ ជួបប្រទះអ្នកដែលមានអាយុច្រើនជាង ៥០ ឆ្នាំឡើងទៅ
២. តំណពួជ អ្នកដែលមានប្រវត្តិក្រុមគ្រូសារកើតជំងឺនេះ គួរពិនិត្យបាតភ្នែក ១ ឆ្នាំម្តង ។
៣. ជនជាតិ និងភេទ ជួបប្រទះជំងឺនេះច្រើនបំផុតចំពោះមនុស្សនៅទ្វីប អឺរ៉ុប អាមេរិក និងភេទស្រីដែលមានអាយុលើសពី ៦០ ឆ្នាំ ។
៤. អ្នកដែលជក់បារីមានឱកាស់កើតជំងឺនេះ ៤ ដងបើប្រៀបធៀបជាមួយអ្នកអត់ជក់បារី ។
៥. អ្នកដែលមានបញ្ហាលើសសម្ពាធឈាម ទទួលទានថ្នាំបញ្ចុះសម្ពាធឈាមនិងមានជាតិខ្លាញ់អាក្រក់ក្នុងឈាមខ្ពស់ កម្រិតជាតិ carotenoid ក្នុងឈាមទាប នឹងប្រឈមខ្ពស់ទៅនឹងការកើតជំងឺខ្សោយបាតភ្នែកប្រភេទ Wet AMD ។

៦. ស្ត្រីដែលអស់រដូវ ស្រ្តីដែលចូលក្នុងវ័យអស់រដូវហើយមិនបានទទួលទានថ្នាំអ័រម៉ូន Estrogen ច្រើនតែប្រឈមខ្ពស់ទៅនឹងការកើតជំងឺនេះ ។

  ប្រភេទនៃជំងឺខ្សោយបាតភ្នែក

១. ប្រភេទស្ងួត ( Dry AMD)

        ជំងឺប្រភេទនេះជួបប្រទះច្រើនបំផុត កើតចេញពីការខ្សោយនិងស្វិតនៃបាតភ្នែកដែលទទួលរូបភាពនៃបាតភ្នែក (Macular) ដោយមានការខ្សោយទៅតាមអាយុ រោគសញ្ញាចាប់ផ្តើមនៃជំងឺខ្សោយបាតភ្នែកប្រភេទស្ងួតគឺ គឺមើលឃើញស្រពិល ធ្វើឱ្យមើលមុខមនុស្សមិនច្បាស់ បណ្តាលឱ្យមុខអ្នកផ្សេងមិនបាន ឬត្រូវប្រើពន្លឺច្រើនជាងមុនក្នុងការធ្វើសកម្មភាពអ្វីផ្សេងៗ ឬអ្នកជំងឺខ្លះចាប់ផ្តើមដោយមានភ្នែកស្រវាំង

តិចតួច ប៉ុន្តែពេលយូរទៅ សមត្ថភាពគំហើញនឹងបាត់បង់បន្តិចម្តងៗ និងវិវត្តទៅយ៉ាងយឺតៗ ។

២. ប្រភេទ Wet AMD

        ប្រភេទនេះជួបប្រទះប្រហែលជា ១០ % - ១៥ % នៃជំងឺខ្សោយបាតភ្នែកទាំងអស់ ប៉ុន្តែបាត់បង់គំហើយយ៉ាងរហ័ស និងជាមូលហេតុចម្បងនៃភ្នែកខ្វាក់សម្រាប់អ្នកដែលមានបញ្ហាខ្សោយបាតភ្នែក កើតឡើងដោយសារតែមានការដុះសរសៃឈាមថ្មីក្រោមបាតភ្នែក បណ្តាលឱ្យឈាមនិងវត្ថុធាតុរាវខាងក្នុងជ្រាបចេញមក បង្កឱ្យចំណុចកណ្តាលដែលទទួលរូបភាពហើម អ្នកជំងឺចាប់ផ្តើមមើលឃើញរូបភាពវៀច ហើយនៅពេលដែលកោសិកាប្រសាទងាប់ អ្នកជំងឺនឹងបាត់បង់គំហើញនៅទីបំផុត ។ រោគសញ្ញាចាប់ផ្តើមនៃជំងឺខ្សោយបាតភ្នែកប្រភេទនេះ​គឺ ចាប់ផ្តើមមើលឃើញរូបភាពវៀច មើលពណ៌សាបជាងធម្មតា ហើយឃើញមានស្រមោលខ្មៅនៅត្រង់កណ្តាលរូបភាព ។

        អ្នកជំងឺដែលត្រួតពិនិត្យឃើញថាមានលក្ខណៈយ៉ាងណាមួយនៃជំងឺខ្សោយបាតភ្នែក អាចសង្កេតឃើញភាពខុសប្រក្រតីដោយខ្លួនឯង ដោយការប្រើបន្ទះសាកល្បង Amsler Grid ដោយមិនចាំបាច់ដោះវ៉ែនតា ឬ contact lens ចេញនោះទេ ដោយគ្រាន់តែយកផែនសាកល្បងដែលមានពន្លឺគ្រប់គ្រាន់ក្នុងកម្រិតមើលបាន ឈរឃ្លាតឆ្ងាយពីផែនរូបភាពប្រហែលជា ១៤ ធ្នាប់ ប្រើដៃបិទភ្នែកម្ខាងហើយមើលទៅចំណុចពណ៌ខ្មៅនៅត្រង់កណ្តាលផែនសាកល្បងដោយភ្នែកម្ខាងទៀត

ដែលបើក ធ្វើដូចគ្នានេះដែរជាមួយភ្នែកម្តងទៀត ។ ប្រសិនបើមើលឃើញក្រឡាបន្ទាត់លើផែនសាកល្បង មានលក្ខណៈជារលក ក្រងិចក្រងុក ដាច់ចេញពីគ្នា ស្រវាំង ឬកន្លែងខ្លះដាច់បាត់ពីចំណុចដែលឃើញ គួរប្រញាប់ទៅជួបពេទ្យក្នុងកំឡុងពេល ១ សប្តាហ៍ ។ គ្រូពេទ្យនឹងពិនិត្យដោយប្រើឧបករណ៍ Slit Lamp Biomicro scope និងត្រួតពិសេសដោយការចាក់ពណ៌ដើម្បីថតមើលបាតភ្នែក ឬចូលគ្រឿងម៉ាស៊ីនត្រួតវិនិច្ឆ័យរូបភាពបាតភ្នែក ដើម្បីមើលលក្ខណៈនិងភាពខុសប្រក្រតីដែលកើតឡើង ។

វិធីការពារ

១. គួរពាក់វ៉ែនតាការពារកំដៅថ្ងៃ និងពាក់មួកសើមៗពេលចេញទៅប៉ះកំដៅថ្ងៃ ។
២. គួរទទួលទានបន្លែនិងផ្លែឈើ ជាពិសេសបន្លែស្លឹងពណ៌បៃតងដែលមានសារធាតុ Lutein ច្រើន ដូចជា ខាត់ណា ស្ពៃខ្មៅ ផ្កាខាត់ណា ជាដើម ។

៣. ឈប់ជក់បារី

៤. ជៀសវាងការទទួលទានគ្រឿងស្រវឹង
៥. ជៀសវាងការទទួលទានអាហារប្រភេទសាច់សត្វដែលមានខ្លាញ់និងខ្លាញ់កូឡេស្តេរ៉ុល ។

វិធីការព្យាបាល

        បច្ចុប្បន្ននៅមិនមានវិធីព្យាបាលជំងឺខ្សោយបាតភ្នែកប្រភេទ Dry AMD ឱ្យជាសះស្បើយនោះទេ គ្រាន់តែអាចពន្យាការកើតជំងឺនេះតែប៉ុណ្ណោះ​ គឺត្រូវត្រួតពិនិត្យសុខភាពភ្នែកជាប្រចាំ រួមទាំងគ្រប់គ្រងកត្តាប្រឈមដែលបង្កឱ្យកើតការខ្សោយនៃការទទួលរូបភាពនៃបាតភ្នែក ។ ចំណែកឯការព្យាបាលជំងឺខ្សោយបាតភ្នែកប្រភេទ Wet AMD ធ្វើបានដោយវិធីដូចខាងក្រោមគឺ ៖

១. ការបាញ់កាំរស្មីឡាស៊ែរ៍ធ្វើឱ្យមានកំដៅនៅលើបាតភ្នែក (Laser Photocoagulation)

          ដើម្បីពន្យាឬបន្ថយសរសៃឈាមខុសប្រក្រតីដែលដុះចេញក្រោមបាតភ្នែកបាន ចំណែកឯបាតភ្នែកដែលត្រូវពន្លឺឡាស៊ែរ៍ប្រភេទនេះនឹងត្រូវកំដៅបំផ្លាញទៅដែរ បង្កឱ្យមានចំណុចខ្មៅយ៉ាងអចិន្ត្រៃយ៍ គំហើញនឹងចុះខ្សោយបន្ទាប់ពីការព្យាបាល ហើយការព្យាបាលវិធីនេះប្រើបានជាមួយអ្នកជំងឺដែលមានភាពខុសប្រក្រតីនៃជំងឺដែលនៅរាងឆ្ងាយ

ពីចំណុចកណ្តាលបាតភ្នែក ។ 

 

២. ការបាញ់កាំរស្មីឡាស៊ែរ៍ដែលមិនបង្កឱ្យមានកំដៅពេលក្រោយ រួមជាមួយនឹងការប្រើថ្នាំចូលសរសៃឈាម Photodynamic Therapy (PDT)

          ដោយចាក់ថ្នាំចូលសរសៃឈាមតាមចរន្តឈាម ហើយចាប់ជាមួយនឹងឡាស៊ែរ៍ដែលមានការបំបែកខ្លួននៅនឹងជញ្ជាំងសរសៃឈាមដែលខុសប្រក្រតីក្រោម

បាតភ្នែក ។ បន្ទាប់ពីនោះទើបបាញ់កាំរស្មីទៅជួយជំរុញឱ្យថ្នាំទៅបំផ្លាញសរសៃឈាមដែលខុសប្រក្រតី ដោយមិនមានផលប៉ះពាល់ជាមួយនឹងបាតភ្នែកត្រង់បរិវេណនោះ ។ អ្នកជំងឺអាចមើលឃើញដូចមុនបាញ់កាំរស្មីឡាស៊ែរ៍ ចំពោះអ្នកដែលមានរោគសញ្ញាមិនខ្លាំង គំហើញដែលថយចុះមុនការព្យាបាលអាចត្រលប់មកវិញប្រហាក់ប្រហែលទៅនឹងប្រក្រតីបាន ។

៣. ការចាក់ថ្នាំប្រភេទ Anti-Vascular Endothelial Growth Factor (Anti-VEGF) ចូលទៅក្នុងចាហួយភ្នែកដើម្បីធ្វើសរសៃឈាមដែលដុះថ្មីស្វិតទៅវិញ ត្រូវចាក់យ៉ាងហោចណាស់ ៣ ដង រាល់ ១ខែម្តង ហើយអាចត្រូវចាក់រាល់ ២ - ៣ ខែក្នុងរយៈពេលបន្ទាប់មក ។

៤. ការវះកាត់ ធ្វើក្នុងករណីដែលមានឈាមចេញក្រោមចំណុចកណ្តាលទទួលភាព ដោយការចាក់ថ្នាំចូលទៅដើម្បីធ្វើឱ្យឈាមដែលរឹងរលាយទៅវិញ និងចាក់បញ្ចូលហ្គាសចូលទៅដេញឈាមឱ្យចេញពីចំណុចកណ្តាលទទួលរូបភាព ។

សូមអរគុណពត៌មានពីមន្ទីរពេទ្យចក្សុរត្តនិន ទីក្រុងបាងកក

ជម្ងឺសរសៃឈាមខួរក្បាល

ជម្ងឺសរសៃឈាមខួរក្បាល

     

តាមលទ្ធផលរបាយការណ៍ការសិក្សាស្រាវជ្រាវអំពី ជម្ងឺនិងរបូសនៃប្រជាជនថៃ ព.ស​. ២៥៤៧ បានឃើញថា​ ជម្ងឺសរសៃឈាមខួរក្បាល 

ជាមូលហេតុ​ចំបង នៃ​ការ​កញ្ឆក់​ យក​ជីវិតរបស់ស្ត្រីថៃ ហើយគិតជា ១៥ % នៃការ បាត់បង់ជីវិត​ ​​។ ចំពោះបុរស ឃើញថាជាលំដាប់ ទីពីរបន្ទាប់ពីជម្ងឺអេដស៍ ហើយគិតជា ១០ % នៃការបាត់បង់ជីវិត ។ ក្រៅពីនេះ វាអាចបណ្តាលអោយ មានពិការភាព ដែលមានផលប៉ះពាល់ដល់ការងារ និងការថែទាំខ្លួនឯងជាលំដាប់ទី ២ ចំពោះស្រ្តី និងលំដាប់ទី ៣ ចំពោះបុរស ។ 

  ឧបត្តិហេតុនៃការកើតជម្ងឺសរសៃឈាមខួរក្បាល ចំពោះប្រជាជនថៃ ២៥០ នាក់  ក្នុងចំណោម

ប្រជាជន ១០០,០០០ នាក់ ដែលគណនាបានថា អាចមានប្រជាជនថៃ កើតជម្ងឺសរសៃឈាម

ខួរក្បាល ក្នុងមួយឆ្នាំ​ ១៥០,០០០ នាក់ ឬ កើតជម្ងឺនេះម្នាក់ ក្នុង ៤ នាទី ហើយបាត់បង់ជីវិត
ម្នាក់ក្នុង ១០ នាទី ។

សូមអរគុណពត៌មានពី

វេជ្ជបណ្ឌិត សុរ័តន៍ ប៊ុនយៈការៈគុន
វេជ្ជបណ្ឌិត សម្បត្តិ មុងទ្វីភង្សា

មន្ទីរពេទ្យផ្យាថៃ 1 & 2

 

មូលហេតុ នៃជម្ងឺសរសៃឈាមខួរក្បាល

មូលហេតុ នៃជម្ងឺសរសៃឈាមខួរក្បាល

ជម្ងឺ សរសៃឈាមខួរក្បាល ឬ ស្ត្រូក Stroke  ជាជម្ងឺ ដែលបណ្តាលមកពីសរសៃ

ឈាមទៅចិញ្ចឹមខួរក្បាល​ខុសប្រក្រតី ដែលភាពខុសប្រក្រតីនេះមានពីរប្រភេទ​ 

គឺ ការស្ទះសរសៃឈាម និងការធ្លាយសរសៃឈាមដែលធ្វើអោយមុខងារខួរក្បាល

ឈប់ធ្វើការភ្លាមៗ មកពីខួរក្បាលមិនមានឈាមមកចិញ្ចឹម ឬមានឈាម​ចេញ​

នៅសាច់ខួរក្បាល ។

        ៧០ % នៃជម្ងឺសរសៃឈាមខួរក្បាល បណ្តាលមកពីឈាម

ទៅចិញ្ចឹមខួរក្បាលមិនគ្រប់គ្រាន់ ហើយបណ្តាលមកពីកត្តាសំខាន់ ៣ ប្រការ គឺ 

        ១. ការស្ទះសរសៃឈាមកើតមកពីការខូច ឬសរសៃឈាមឡើងរឹង ។​

        ២. កំណកឈាមពីបេះដូង ​ឬកករឈាមពីជញ្ជាំងសរសៃឈាមក្រហម

នៅកផ្នែកខាងមុខ ​ចូលទៅកក ស្ទះសរសៃឈាមក្នុងខួរក្បាល ។ 

        ៣.​​ សម្ពាធឈាមចុះខ្លាំង រហូតទៅចិញ្ចឹមខួរក្បាលមិនគ្រប់គ្រាន់ ។

        ៣០​ % ទៀត បណ្តាលមកពីធ្លាយសរសៃឈាមក្នុងខួរក្បាល មាន ២ ប្រភេទ គឺ

 

        ១. ដុំឈាមកកនៅក្នុខួរក្បាល (Intracerebral Hermorrage ឬ ICH ) ។

        ២. ហូរឈាមក្នុងស្រោមខួរក្បាល (Subaarachnoid hermorrhage  ឬ SAH) ។

សូមអរគុណប្រភពពី

វេជ្ជបណ្ឌិត សុរ័តន៍ ប៊ុនយៈការៈគុន
វេជ្ជបណ្ឌិត សម្បត្តិ មុងទ្វីភង្សា

មន្ទីរពេទ្យផ្យាថៃ 1 & 2

ការខូច ឬសរសៃឈាមឡើងរឹង

ការខូច ឬសរសៃឈាមឡើងរឹង

គឺជាមូលហេតុនៃការស្ទះសរសៃឈាមដែលជួប ប្រទះជាញឹកញាប់បំផុត​ បណ្តាលមកពីអ្នកជម្ងឺមាន កត្តាហានិភ័យដូចជា អាយុច្រើន សម្ពាធឈាមខ្ពស់ ទឹកនោមផ្អែម ពិសាបារី ឬខ្លាញ់ក្នុងឈាមខ្ពស់​ អ្នកជម្ងឺ ខ្លះអាចមានកត្តាហានិភ័យតែមួយឬច្រើនរួមគ្នានៅក្នុង​មនុស្សម្នាក់ក៏មាន ។

          សរសៃឈាមរបស់អ្នកជម្ងឺទាំងនេះ​ ចាប់ផ្តើមឡើង រឹងបន្តិចម្តង ៗ ហើយតូចចង្អៀតរឿយៗ ដែលបណ្តាល មកពី ខ្លាញ់ Fibrin និងកាល់ស្យូម មកប្រមូលផ្តុំ នៅនិងផ្ទៃសរសៃឈាម​ ដែលគេហៅថា Plaque នៅពេលដែល plaque មានទំហំធំឡើងៗ រហូតដល់ប្រហោងក្នុងសរសៃឈាមកាន់តែចង្អៀត បានបង្កើតអោយសរសៃឈាមស្ទះ ហើយបណ្តាលអោយខ្វះឈាមទៅចិញ្ចឹមខួរក្បាល ។ មុខងារខួរក្បាលឈប់ដំណើរការ ​ហើយកើតរោគសញ្ញា នៃជម្ងឺសរសៃឈាមខួរក្បាលនេះឡើង ។

សូមអរគុណប្រភពពី
វេជ្ជបណ្ឌិត សុរ័តន៍ ប៊ុនយៈការៈគុន
វេជ្ជបណ្ឌិត សម្បត្តិ មុងទ្វីភង្សា
មន្ទីរពេទ្យផ្យាថៃ 1 & 2

កំណកឈាមពីបេះដូង ឬកករឈាមពី ជញ្ជាំងសរសៃឈាមក្រហម ចូលទៅស្ទះសរសៃឈាមក្នុងខួរក្បាល

កំណកឈាមពីបេះដូង ឬកករឈាមពី
ជញ្ជាំងសរសៃឈាមក្រហម
ចូលទៅស្ទះសរសៃឈាមក្នុងខួរក្បាល

   មូលហេតុដែលកំណកឈាមពីបេះដូង ចូលទៅក្នុងខួរក្បាល​ច្រើនតែកើតមាន

ចំពោះមនុស្ស ​ដែលចង្វាក់បេះដូងដើរមិនទៀងទាត់  ថតខាងលើនៃបេះដូង

កន្ត្រាក់លឿន (atrival fibrillation ឬ AF) ចង្វាក់បេះដូងដែលលោតមិនព្រមគ្នាទាំង

ថត បណ្តាលឳ្យ​មានឈាមនៅនឹងក្នុងបេះដូង ហើយបង្កើតបានជាដុំឈាមតូចខ្លះ

ធំខ្លះ​ ។ ក្នុងថ្ងៃដែលមានរោគសញ្ញា វាបណ្តាលមកពី កំណកឈាម ចូលទៅបេះដូង

ថតឆ្វេងខាងក្រោម ហើយចេញទៅដល់សរសៃឈាមក្រហមធំហើយចូលទៅដល់

ក្នុងខួរក្បាល  កើតចេញជាការស្ទះសរសៃឈាមដែលមានទំហំតូចជាងឈាម ធ្វើអោយខួរក្បាលខ្វះឈាម ។​​

ក្រៅពីនេះ កករឈាមដែលនៅតាមជាលិកានៃ plaque តាមជញ្ជាំង
សរសៃឈាមធំនៅក អាច​​ចូលទៅដក់ក្នុងសរសៃឈាមខួរក្បាល ដោយសារ
ល្បឿននៃលំហូរឈាមដែលហូរលឿនជាងធម្មតា​បរិវេណស្ទះសរសៃឈាម​ក
ក៏អាចបណ្តាលឳ្យ​កើតការស្ទះសរសៃឈាមខួរបានដូចគ្នា ។

សូមអរគុណប្រភពពី
វេជ្ជបណ្ឌិត សុរ័តន៍ ប៊ុនយៈការៈគុន
វេជ្ជបណ្ឌិត សម្បត្តិ មុងទ្វីភង្សា
មន្ទីរពេទ្យផ្យាថៃ 1 & 2

សម្ពាធឈាមទាប ធ្វើឱ្យ​​ឈាម ទៅចិញ្ចឹមបេះដូងមិនគ្រប់គ្រាន់

សម្ពាធឈាមទាប ធ្វើឱ្យ​​ឈាម
ទៅចិញ្ចឹមបេះដូងមិនគ្រប់គ្រាន់

 

ជាមូលហេតុដែលជួបប្រទះតិចជាង ១​ %​ ក្នុងចំណោម​អ្នកជម្ងឺសរសៃឈាម​ខួរ
ក្បាល​ទាំងអស់ ។

មូលហេតុនៃសម្ពាធឈាមចុះទាប រួមមាន ៖ 

        ១.​ ការគាំងបេះដូង បណ្តាលមកពីការខ្វះឈាមទៅ ចិញ្ចឹម ឬដែលគេហៅថា           Heart attack  កាលណាធ្វើ ចលនាបេះដូងបានសម្រេច បន្ទាប់ពីបេះដូងឈប់

ដើរអស់រយៈពេលយូរ ធ្វើឳ្យ​ខួរក្បាលខ្វះឈាមទៅផ្គត់ផ្គង់ ។ នៅពេលដែល បេះដូងដើរបានវិញ ប៉ុន្តែខួរក្បាលខ្វះឈាមយូរពេក ក៏មិនអាចត្រឡប់មកដំណើរ

ការជាថ្មីវិញបានឡើយ ។

     ២.​​ សម្ពាធឈាមចុះទាបយ៉ាងខ្លាំង ចំពោះអ្នកជម្ងឺ ដែលឆ្លងមេរោគចូល

សរសៃឈាមដែលហៅថា ភាវៈគាំង (Shock)

        ៣. ការទទួលទានថ្នាំ​បញ្ចុះ​សម្ពាធ​ឈាមលើសចំណុះ បណ្តាលឳ្យ​សម្ពាធឈាម
ទាប រហូតមិនអាចផ្គត់ផ្គង់ខួរក្បាលបានគ្រប់គ្រាន់ ។

        ៤.​ សម្ពាធឈាមទាបបណ្តាលមកពីការផ្លាស់ប្តូរឥរិយាបថ ពីឥរិយាបថដេក ឬអង្គុយជាឥរិយាបថឈររហ័សពេកច្រើនតែជួបប្រទះចំពោះមនុស្សចាស់ដែល

ទទួលទានថ្នាំ បញ្ចុះឈាម ឬអ្នកជម្ងឺដែលកើតរោគទឹកនោមផ្អែមអស់រយៈពេលយូរ ហើយមានការខូចប្រាសាទខាងចុងផងដែរ ។

សូមអរគុណប្រភពពី
វេជ្ជបណ្ឌិត សុរ័តន៍ ប៊ុនយៈការៈគុន
វេជ្ជបណ្ឌិត សម្បត្តិ មុងទ្វីភង្សា
មន្ទីរពេទ្យផ្យាថៃ 1 & 2

រោគសញ្ញាសំរាប់ស្រ្តីមានផ្ទៃពោះ

រោគសញ្ញាសំរាប់ស្រ្តីមានផ្ទៃពោះ

ស្ត្រីជាម្តាយ​គ្រប់រូប​គួរតែយក​ចិត្តទុកដាក់ថែទាំរាងកាយកំឡុងពេលមានផ្ទៃពោះ​ដើម្បីធានាសុវត្ថិភាព​របស់ទារក​

នៅពេលដែលមានផ្ទៃពោះ​ ជាការ​ល្អបំផុត អ្នកគួរទៅជួបវេជ្ជបណ្ឌិត ដើម្បីទទួលការថែទាំ​មុនសម្រាលកូន​។ អ្នកនឹងចាប់ផ្តើម​យកចិត្តទុកដាក់​អោយបានដិតដល់ទៅនឹង​រាងកាយ

របស់អ្នក​ដើម្បីជៀសវាងបញ្ហា​ដែលអាច​កើតមានឡើង​ ។ ពិតប្រាកដណាស់ អ្នកគួរយល់

ដឹងអំពី​រោគសញ្ញានីមួយៗដែលអាចកើតឡើង។ ប្រសិនបើមានបញ្ហាណាមួយកើតឡើង អ្នកគួរទទួលបាន​ការព្យាបាល​ជាបន្ទាន់​។ បញ្ហាទាំងនេះមានដូចជា៖

 

១. ហូរឈាម​ បន្តិច​បន្តិច​នៅពេល​មានផ្ទៃពោះដំបូង​គឺ​ជារោគសញ្ញាធម្មតា​ដែលបង្ហាញ
ថា​ ​ អំប្រ៊ីយ៉ុង​កំពុងបង្កើតនៅក្នុងស្បូន​ ។ ប៉ុន្តែប្រសិនបើ​អ្នកហូរឈាម​ខ្លាំង​ ​ឈឺពោះ​ធ្ងន់
ធ្ងរ និង​ការឈឺចាប់​នោះ វា​អាចជា​រោគសញ្ញានៃ​ការមានគភ៌ក្រៅស្បូន ។​ការមានគភ៌ក្រៅ

ស្បូន​ គឺនៅពេលដែល​មេជីវិតញីកកំណើតនៅកន្លែងផ្សេងទៀត​ក្រៅពីស្បូន។ ដូច្នេះ

វាគម្រាម​គំហែង​ដល់​អាយុជីវិត​របស់ម្តាយ​បាន​ ។ បញ្ហាផ្សេងទៀតដែលអាចសង្កេត

ឃើញក្រៅពីការហូរឈាមធ្ងន់​ធ្ងរ គឺ ការ​រលូតកូន​ ​។ ការហូរឈាម​ណាមួយដែល​កើត

ឡើង​នៅក្នុងកំឡុងពេល​មានផ្ទៃពោះ​ តម្រូវឱ្យមាន​ការពិចារណា​និងការ​ពិគ្រោះយោបល់​ពីវេជ្ជបណ្ឌិតដែលមានឯកទេសពិតប្រាកដ ។

២. ការចង្អោរ​និងក្អួត​ធ្ងន់ធ្ងរ​   ការចង្អោរ​មួយចំនួន​កំឡុងពេលមានផ្ទៃពោះ​គឺជា រោគ

សញ្ញាធម្មតា​លើកលែងតែ​វាកើតឡើងរហូតដល់​អ្នកមិនអាច​បរិភោគឬទទួលទានអ្វី​បានឡើយ។  អ្នកត្រូវទៅជួបវេជ្ជបណ្ឌិតដើម្បីជៀសវាងការ​ខ្សោះជាតិទឹក​ដែលជា

ហេតុធ្វើអោយ​ប៉ះពាល់ដល់​ទារក​របស់អ្នកបាន ។

៣. ចលនា​របស់ទារក​អាចចុះខ្សោយ ឬ​ ពុំមានចលនាសោះ ។  ទារក​ចាប់ផ្តើម​ធ្វើ

ចលនាក្នុងចន្លោះពី 17 ទៅ 18 សប្តាហ៍​ ។ ចលនា​ ឬ ស្នូរទះ កាន់តែខ្លាំងឡើងៗ

នៅពេលយប់ ​​​។   វាគឺជា​ការលំបាក​ណាស់​ក្នុងការប្រាប់​ថាតើ​ទារក​របស់អ្នកមាន

ចលនាតិច ឬច្រើន ។ ជាទូទៅ​ វាអាស្រ័យទៅលើម្តាយជាអ្នកកំណត់ចលនារបស់

ទារក ប្រសិនបើលឺស្នូរទះដប់ដង ក្នុងកំឡុងពេលពីរម៉ោងអ្នកគួរទៅជូបពេទ្យជំនាញ

ជាបន្ទាន់ ។

 

៤. ​ការមានជម្ងឺផ្សេងៗ នៅដើម​ត្រីមាស​ទីបី​   ប្រសិនបើអ្នកមានផ្ទៃពោះនៅក្នុង​ត្រីមាស​ទីបី​ហើយមានជម្ងឺផ្សេងៗ ដែលបង្ក​អោយមានអាំងតង់ស៊ីតេកើនឡើង នេះវាអាចជា​សញ្ញានៃ​ការកើតកូនមិនគ្រប់ខែ ។​

៥. ការ​ឈឺក្បាល​ជាប់​ធ្ងន់ធ្ងរ​ ឈឺពោះ​ ស្រវាំងភ្នែក និងហើម​ក្នុងអំឡុងពេល​ត្រីមាស​ 

ទីបី​ ។  រោគសញ្ញា​ទាំងអស់នេះ ​អាចបញ្ជាក់​ថាអ្នក​អាចមានសម្ពាធឈាមឡើងខ្ពស់ ​ 

វាជា​ផលវិបាក​នៃការមានផ្ទៃពោះ​ ដោយ​សម្ពាធឈាមខ្ពស់​និងប្រូតេអ៊ីនច្រើននៅក្នុង​ទឹកនោមជាធម្មតា​វាកើតឡើង​ ​ប្រហែល 20 សប្តាហ៍នៃការមានផ្ទៃពោះ ។​ ​អ្វីដែល

សំខាន់​នេះគឺជា​ការត្រួតពិនិត្យ​សម្ពាធឈាម​ ប្រសិនបើវា​ឡើង​ខ្ពស់ជាង​ធម្មតា គួរប្រញាប់រកការព្យាបាលពីវេជ្ជបណ្ឌិតឯកទេស ។

៦. មានរោគសញ្ញា​ជំងឺគ្រុនផ្តាសាយ​   ជាធម្មតា​ស្ត្រីមានផ្ទៃពោះ​ចាក់​វ៉ាក់សាំង​ជំងឺផ្តាសាយ​​ ។ ប៉ុន្តែប្រសិនបើ​អ្នកមានអាការៈក្តៅខ្លូន និងឈឺចាប់​ វាអាចបណ្តាលមកពី​ការឆ្លងមេរោគ​តម្រងនោម​​ ឬ​ជំងឺរលាកសួត (Listeria)​​   ។ បញ្ហាទាំងអស់នេះ​ត្រូវបានគេ​ចាត់ទុកថាជា​បញ្ហាធ្ងន់ធ្ងរ​ក្នុងអំឡុងពេល​មានផ្ទៃពោះ។

សម្រាប់ព័ត៌មានបន្ថែមអំពី​សេវាសុខាភិបាល​សូមទាក់ទង មន្ទីរពេទ្យ ផ្យាថៃ ២

Source: www.webmd.com